Tito Mars, emosyonal na binalikan ang sitwasyon nila pag umuulan nang malakas noon

- Hindi napigilan ni Tito Mars na maiyak nang sariwain niya ang kalagayan nila noon tuwing uulan nang malaas

- Aniya, noong nag-aaral pa lang siya, tumira siya sa bahay na malapit sa ilog kaya nakakaramdam sila ng takot tuwing umuulan nang malakas

- Kaya naman, nainis daw siya sa mga taong privileged na sinasabi pa kung gaano kasapar ang buhay nila lalo ngayong panahon na marami ang naghihirap sa panahon ng bagyo

- Nilinaw niyang hindi siya nagmamalinis at nagbabaitan kundi sadyang iyon daw ang nararamdaman niya dahil tao lang din siya na nasasktan

Emosyonal na ikinuwento ni Tito Mars ang hirap ng kanilang buhay noong bata pa siya, lalo na tuwing may malakas na ulan. Aniya, hindi niya mapigilan ang pagbabalik-tanaw sa mga panahong puno ng kaba at takot, lalo’t ang kanilang bahay ay malapit sa ilog na madaling umaapaw sa tuwing umuulan. Sa bawat pagdampi ng ulan, bumabalik ang mga alaala ng pangamba at kawalan ng seguridad sa kanilang tahanan, bagay na mahirap kalimutan kahit lumipas na ang mga taon.

Read also

Lolo, niligtas ang pamilya ngunit nasawi nang mapulikat at hindi na makalangoy

Sa kanyang paggunita, ipinahayag ni Tito Mars ang kanyang pagdaramdam sa mga taong may pribilehiyo sa buhay, na tila hindi nauunawaan ang dinaranas ng mas nakararami sa panahon ng bagyo at sakuna. Labis siyang naapektuhan ng mga komento ng mga ito na nagpapahayag kung gaano ka-komportable ang kanilang buhay kahit sa gitna ng matinding kalamidad.

Nilinaw rin niya na hindi siya nagmamalinis o nagpapakita ng kabutihang-loob upang magmukhang mabuti. Ibinahagi niya ang kanyang damdamin bilang simpleng tao na nasasaktan at naaapektuhan ng mga alaala ng kahirapan, lalo na’t alam niya ang pakiramdam ng walang kasiguruhan at takot sa sariling tahanan sa bawat pagpatak ng ulan.

Si Tito Mars ay nakilala sa social media sa kanyang mga videos kung saan naghahayag siya ng kanyang pananaw at opinyon. Nitong mga nakaraang araw ay may mga videos siya kung saan pinagbibigyan niya ang mga eating challenge mula sa netizens kabilang na ang pagkain ng sardinas, tuyo at mangga na may bagoong. Dahil sa kanyang reaksiyon tuwing kumakain siya nito ay marami ang nambatikos sa kanya.

Read also

Madam Kilay, nang-real talk: "Yung nag brag ka pa na ang sarap ng tinutulugan mo"

Matatandaang nagsalita si Tito Mars matapos makatanggap ng pangbabatikos. Kasunod ito ng kanyang mga content kung saan kumakain siya ng ilan sa mga pagkaing kinakain ng pangkaraniwang Pinoy. Pinabulaanan niyang binastos niya ang pagkain ng mga mahihirap dahil wala daw siyang sinabing pambabastos sa mga pagkain na kinain niya sa mga video. Tinuturing din daw niya ang sarili niya na kabilang sa mga mahihirap.

Muling naging usap-usapan si Tito Mars matapos ang binahagi niyang video kung saan susubukan daw niya sa unang pagkakataon na sumakay sa jeep. Nagulat daw siya na marami raw palang ibang pasahero sa jeep dahil akala daw niya ay siya lang mag-isa. Nagtanong din siya sa driver kung pwede ba raw card o mobile payment ang kanyang bayad.

Source: KAMI.com.gh