Driver na may Tourette, aminadong namangha sa nagawa ng isang batang pasahero

- Naikwento ng driver na may Tourette syndrome ang kanyang naramdaman sa isang batang naging pasahero niya

- Matatandaang muli siyang nag-viral kamakailan dahil dito

- Ang nasabing driver din ay matatandaang naging bahagi ng Batang Quiapo

- Marami ang humahanga sa driver na ito na umano'y patas na lumalaban sa buhay

Kamakailan lamang, nag-viral sa social media ang kwento ni Marlon Fuentes, isang driver na may Tourette syndrome, dahil sa isang nakakatuwang karanasan kasama ang isang batang pasahero.

Ang kwentong ito ay nagbigay inspirasyon sa maraming tao at nagpakita ng malasakit at pagpapahalaga sa bawat isa, kahit sa mga simpleng pagkakataon.

Si Marlon Fuentes ay isang driver na may Tourettes syndrome, isang kondisyon na nagiging sanhi ng hindi inaasahang mga galaw. Sa kabila ng kanyang kondisyon, nagawa niyang magtrabaho ng maayos at magbigay ng serbisyo sa kanyang mga pasahero. Isa sa mga pinakakakaibang karanasan niya kamakailan ay ang pagdarasal sa kanya ng isang batang pasahero.

Read also

Nawawalang 8 anyos na bata, nadiskubreng wala nang buhay at isinilid sa sako

Sa panayam sa kanya ni Ogie Diaz, hindi umano siya makapaniwala nang ang batang pasahero ay nag-pray over sa kanya habang nasa biyahe sila. "Sobrang namangha ako sa kanya. Marami rin sa aking gumawa ng ganun, pini-pray over ako. Kumbaga sa ganun, may mga pasahero akong pinagdarasal ako, mas nakakatuwa yung byahe ko parang bless na bless yung byahe ko kasi may basbas ng dasal," sabi ni Marlon.

Ayon sa kanya, ang simpleng gawaing ito ay nagbigay sa kanya ng malaking kagalakan at pagpapalakas ng loob.

Nabanggit din ni Marlon na natuwa rin ang bata na nag-pray over sa kanya. Napag-alaman na napanood ng bata si Marlon sa isang TV commercial ilang taon na ang nakalipas. "Natuwa siya, ako 'yung nasakyan niya," ani Marlon. Ang pagkakaroon ng pagkakataong makasama siya sa biyahe ay tila isang pangarap na natupad para sa bata, at ito rin ay naging espesyal na alaala para kay Marlon.

Read also

RR Enriquez, nag-react sa isyu ng Balay Dako, ang restaurant na hindi pinapasok ang Aspin na si Yoda

Narito ang kabuuan ng panayam kay Marlon mula sa Ogie Diaz YouTube channel:

Si Marlon Fuentes ay isang Grab driver na sa kabila ng pagkakaroon ng Tourette syndrome ay patuloy na lumalaban sa hamon ng buhay para lamang maitaguyod ang kanyang pamilya. Minsan na siyang nag-viral at naghatid inspirasyon sa marami.

Napanood din si Marlon sa Batang Quiapo. Aminadong kinabahan siya sa kanilang mga eksena lalo na at kasama niya roon si Pen Medina na itinuturing sa isa sa mga mahuhusay na aktor sa bansa.

Sa ngayon, patuloy pa rin ang pagiging Grab driver ni Marlon at nakaantabay din daw siya umano sakaling ipatawag siya ng nasabing serye para sa kanilang shooting o taping.

Source: KAMI.com.gh