YouTube content creators na sina Viy Cortez at Cong TV, ikinasal na

- Ikinasal na sina Viy Cortez at Lincoln Cortez Velasquez o mas kilala bilang si Cong TV ngayong araw

- Sa ibinahaging picture ni Alodia Gosiengfiao kung saan binati niya ang bagong kasal, makikita ang picture nila

- Kamakailan ay binahagi ni Viy ang ilang pictures ng pamamanhikan ni Cong

- Matatandaang nabiyayaan sila ng anak na lalaki na kilala bilang si Kidlat

Ngayong araw, ikinasal sina Viy Cortez at Lincoln Cortez Velasquez, mas kilala bilang si Cong TV, sa isang wedding ceremony na dinaluhan ng kanilang pamilya at mga kaibigan.

Sa larawan na ibinahagi ni Alodia Gosiengfiao sa kanyang social media, makikita ang picture ng bagong kasal habang pinapalakpakan ng mga bisita.

Matatandaang kamakailan lang ay ibinahagi ni Viy ang ilang picture ng pamamanhikan ni Cong.

Read also

Viy Cortez, binahagi ang nagagandahang wedding photos nila ni Cong

Kilala sina Viy at Cong bilang mga kilalang personalidad sa social media, at noong nakaraang taon ay nagbigay-buhay sila sa kanilang pamilya sa kanilang anak na lalaki, si Kidlat.

Bago ang kanilang espesyal na araw, nagbahagi si Viy ng ilang mga larawan mula sa kanilang pre-wedding photoshoot sa Japan noong Pebrero, na kuha ng Nice Print Photography.

Sa kanyang Instagram post, isinulat ni Viy ang caption na, "The countdown to forever begins now," na nagpahayag ng kanyang pananabik sa kanilang nalalapit na kasal.

Ang kasal nina Viy at Cong TV ay isang inspirasyon sa maraming netizens na sumusubaybay sa kanilang love story.

Si Lincoln "Cong" Velasquez ay isa sa mga kilalang vlogger sa bansa. Mayroon na siyang halos 10 million na subscribers sa kanyang YouTube channel na Cong TV. Nobya niya ang vlogger at CEO ng VIY Line cosmetics na si Viy Cortez.

Binigyang pugay ni Pat Velasquez ang kanyang kapatid na si Cong sa isang TikTok video niya. Aniya, hindi nila mararating ang tagumpay ngayon bilang vloggers kung hindi dahil sa kanyang 'Kuya Cong". Lagi raw nilang ina-acknowledge ang kanilang Kuya Cocon na nilarawan niyang napaka-humble na tao. Nagamit niya ang salitang 'Hindi raw sila nito binigyan ng isda, ngunit tinuruan sila nitong mangisda nangangahulugang ibinahagi ni Cong ang kanyang biyaya.

Read also

Ray Parks, nagpasalamat sa pagbati ni Zeinab Harake sa kanyang 'first Father's day'

Kinagiliwan online ang video ni Cong TV kung saan naisipan nitong gumawa ng sarili niyang toddler's video. Sa umpisa ng naturang vlog, mapapansing hindi basta sumasama sa kanya ang anak na si Kidlat. Lalo na kung tutok ito sa isang toddler's show na madalas ipapanood sa kanya ng kanyang Mommy Viyy Cortez. Tila tagumpay naman si Cong sa kanyang ginawa para kay Kidlat lalo na sa bandang huli ng vlog.

Source: KAMI.com.gh