Diwata, inaresto dahil umano sa pagkakamali ng pulis; lumapit kay Raffy Tulfo

Published 10 Oct 2025 at 8:47 PM

by Glory Mae Monserate

3 min read

Lumapit sa Raffy Tulfo in Action si Diwata matapos siyang maaresto nang mali dahil sa kasong hindi niya ginawa
Ayon kay Diwata, ginamit ng isang hindi kilalang lalaki ang kanyang pangalan at TIN ID sa isang kaso ng anti-street obstruction sa Mandaluyong
Inamin ng arresting officer na hindi si Diwata ang aktwal na nahuli niya, kundi isang gumagamit ng pekeng ID
Maghahain si Sen. Raffy Tulfo ng Senate resolution upang baguhin ang protocol ng mga pulis sa pag-serve ng warrant of arrest

PAY ATTENTION: stay informed and follow us on Google News!

Hindi napigilan ni Deo Jarito Balbuena, mas kilala bilang “Diwata”, ang emosyon nang personal siyang lumapit sa programang Raffy Tulfo in Action (RTIA) upang ireklamo ang maling pagkakaaresto sa kanya noong Oktubre 7, 2025.

Diwata, inaresto dahil umano sa pagkakamali ng pulis; lumapit kay Raffy Tulfo (📷Raffy Tulfo in Action/Facebook)
Source: Facebook

Ayon sa kanya, walang kaalam-alam siya na may warrant of arrest laban sa kanyang pangalan—isang kaso sa ilalim ng Ordinance No. 628, S-2016 o “Anti-Street Obstruction Ordinance” ng Mandaluyong City.

Kwento ni Diwata, bigla raw dumating sa kanilang bahay sa General Trias, Cavite ang mga pulis mula sa Warrant Section ng Trece Martires, dala ang utos ng korte laban sa isang Deo Jarito Balbuena. “Wala akong alam sa kaso, bigla nila akong kinuha,” aniya. Mabuti na lang at mayroon siyang perang pang-piyansa upang makalaya agad.

Read also

Imee Marcos may tanong kay PBBM sa appointment ni Remulla

Batay sa salaysay ni Patrolman Johary Bogagong, limang lalaki umano ang nahuli niyang nag-iinuman sa kalye sa Mandaluyong noong Marso, isang paglabag sa naturang ordinansa. Pinagmulta niya ang mga ito ng ₱500 bawat isa.

PAY ATTENTION: Follow us on Instagram - get the most important news directly in your favourite app!

Ayon sa kanya, nagpakita ng mga ID ang apat, samantalang ang panglima ay nagbigay ng TIN ID na malabo ang larawan. Nang hingian ng ibang ID, tumanggi umano ito at sinabing labag sa Data Privacy Act. Sa ID na iyon, nakasaad ang pangalan at address ni Diwata — dahilan kung bakit sa kanya nai-issue ang kaso.

Nang walang sinumang sumipot sa itinakdang araw para magbayad ng multa, iniakyat ng Mandaluyong PNP ang kaso sa korte, na kalaunan ay naglabas ng warrant of arrest laban kay Diwata.

Sa panayam ni Sen. Raffy Tulfo kay Patrolman Bogagong, inamin mismo ng pulis na hindi si Diwata ang taong nahuli niya. “Hindi po siya ‘yung nakita kong lalaki noong araw na ‘yon,” pahayag ng opisyal. Lumabas na ginamit lamang ng tunay na salarin ang pekeng ID ni Diwata — malinaw na kaso ng identity theft.

Read also

Tax evasion, ikinaso ng BIR sa mag-asawang Discaya; hindi binayarang buwis, umabot sa mahigit ₱7B

Ayon kay Diwata, masakit at nakakahiya ang nangyari, lalo’t wala siyang kasalanan. “Ayaw ko nang mangyari ito sa iba,” aniya. Sa kabutihang palad, agad siyang pinakinggan ni Sen. Raffy Tulfo, na naghayag ng intensiyong maghain ng Senate resolution in aid of legislation upang mapatibay ang mga protocol sa pag-verify ng pagkakakilanlan ng mga taong inaaresto.

Nilinaw ni Tulfo na layunin ng resolusyon na maiwasan ang mga katulad na pagkakamali at maprotektahan ang mga inosenteng mamamayan laban sa maling proseso ng pag-aresto. “Dapat siguraduhin ng mga pulis na tama ang tao bago sila kumilos,” ani Tulfo sa programa.

Samantala, umani ng simpatya online si Diwata, na kilala bilang isang vlogger at negosyante. Marami ang nagpahayag ng suporta at paghanga sa kanyang tapang sa pagbabahagi ng karanasan upang maging aral para sa iba.

Si Deo Jarito Balbuena, o mas kilala bilang Diwata ng Paresan, ay sumikat sa social media dahil sa kanyang viral food stall videos at positibong pananaw sa buhay. Naging inspirasyon siya ng marami dahil sa kanyang kasipagan at kababaang-loob. Bukod sa pagiging negosyante, madalas din siyang magbahagi ng motivational content online.