Ria Atayde, nagbahagi ng mensahe sa kanilang bagong biyaya ni Zanjoe

• Kinumpirma ni Ria Atayde na siya at ang asawang si Zanjoe Marudo ay umaasa sa kanilang ikalawang anak, na inaasahang isisilang sa unang quarter ng 2027
• Ibinahagi ni Ria na malaking biyaya para sa kanila ang pagbubuntis, lalo na dahil mayroon siyang PCOS at thyroid issues na dahilan upang mas tutukan siya ng kanyang doktor
• Sinabi ng aktres na matagal na nilang pangarap ni Zanjoe na magkaroon ng higit sa isang anak upang lumaki si Sabino na may kapatid, bagay na pareho nilang naranasan noong sila ay mga bata pa
• Sa kabila ng ilang health considerations, nananatili sa kanyang routine si Ria at sinabi niyang suportado sila ng kanilang pamilya at ng “proper village” habang naghahanda sila para sa panibagong yugto

Masayang ibinahagi ni Ria Atayde ang balita na siya at ang asawang si Zanjoe Marudo ay naghihintay na ng kanilang ikalawang anak.

Sa panayam niya sa ABS-CBN News, naging bukas si Ria tungkol sa kanilang pagbubuntis at kung bakit naging espesyal para sa kanila ang pagkakaroon muli ng baby.

Read also

Zanjoe Marudo, kinumpirma ang pagbubuntis ni Ria Atayde

“Super grateful, we really wanted this. It’s not something that you’d expect given that I have PCOS, I have thyroid issues, you think it would have been a lot harder, so it’s really such a blessing,” ani Ria.

Ayon sa aktres, may ilang health considerations na dahilan para mas tutukan siya ng kanyang doktor hanggang sa kanyang panganganak, na inaasahang mangyayari sa unang quarter ng 2027.

“There’s a lot of health stuff, which is also why we wanted to do it agad, kasi nga mahirap, there are conditions for me basically I am the type that gets hemorrhage, I bleed,” dagdag niya.

Sa kabila nito, sinabi ni Ria na pinapayagan pa rin siyang mag-ehersisyo habang buntis, basta naaayon sa payo at clearance ng kanyang doktor.

Bago ang kanilang virtual interview, nakapag-Pilates pa rin ang aktres at sinabi niyang nagpapatuloy siya sa kanyang routine.

“I am still allowed to workout, I still have my routine, of course cleared by my doctor with all my medical stuff (condition),” paliwanag niya.

Nang tanungin kung mayroon silang nais na maging kasarian ng kanilang ikalawang anak, simple ang naging sagot ni Ria.

Read also

Jomar Lovena nagpasalamat matapos ang pagsubok na hinarap ng pamilya

“Sobrang cheesy, basta healthy at this point, really. No preference.”

Para sa mag-asawa, mas mahalaga sa ngayon ang kalusugan ng kanilang magiging anak.

Hindi rin bago sa kanilang mga plano ang magkaroon ng higit sa isang anak. Ayon kay Ria, matagal na nilang pangarap ni Zanjoe na magkaroon ng magkakapatid ang kanilang mga anak.

“It’s always been for both of us, a dream to have more than just one child. We both grew up with siblings so, that’s something that we want to give Sabino,” aniya.

Dahil dito, magiging kuya na si Sabino, na dalawang taong gulang na ngayon.

Para kay Ria, ang pagbubuntis ay isa ring paalala sa kanila na patuloy silang nasa tamang direksiyon bilang mag-asawa at bilang mga magulang.

“This is really what’s meant for us. There are days, I think like all mothers question like what they’re doing, there’s mom guilt, there’s all of that. The fact that we were blessed with another one, it goes to show we’re on the right path, we’re doing okay,” sabi niya.

Read also

Kristel Fulgar, may ibinahaging alaala sa pagganap bilang batang Jennylyn

Masaya rin ang pamilya ni Ria sa pagdating ng panibagong apo. Kabilang dito ang kanyang mga magulang na sina Sylvia Sanchez at Art Atayde.

Ayon kay Ria, parehong excited ang kanyang mga magulang na maging lola at lolo muli.

“Of course happy sila, super happy. Ano daw, mas mahihiram na raw nila 'yung older one,” kuwento niya.

Bukod sa suporta ng pamilya, binigyang-diin din ni Ria ang halaga ng pagkakaroon ng mga taong masasandalan habang dumaraan siya sa pagbubuntis.

“This is something that we both prayed for. We are so thankful that we have a lot of people rallying behind us. We have a proper village supporting us, it’s such an important thing to have a support system throughout the entire process.”

Nagpakasal sina Ria at Zanjoe sa civil ceremony noong Marso 2024 at tinanggap ang kanilang unang anak na si Sabino noong Setyembre ng parehong taon. Kalaunan, nagkaroon din sila ng church wedding noong Disyembre 2025.

Sa mga nakaraang buwan, ilang family moments din ang ibinahagi ng mag-asawa, kabilang ang pagdiriwang nila para sa ikalawang kaarawan ni Sabino nitong Setyembre 2026.

Read also

Bimby, nakaalalay kay Kris Aquino sa behind-the-scenes ng shoot

Ngayon, panibagong milestone naman ang kanilang hinaharap habang naghahanda sila para sa pagdating ng kanilang ikalawang anak.

Bago ang pagbabahagi ni Ria,https://kami.com.ph/entertainment/celebrities/163452-zanjoe-marudo-ria-atayde-kasal-na-actor-nagbahagi-ng-wedding-photos/ Sa isang private screening ng pelikulang “Apol of My Ai,” sinabi ng aktor na malapit nang maging kuya si Sabino. Hindi pa muna nila ibinunyag kung lalaki o babae ang kanilang magiging anak.

Noong Setyembre 2026, naging emosyonal si Ria sa ikalawang kaarawan ng kanilang panganay na si Marcel Sabino. Nagbahagi siya ng larawan kung saan karga niya ang anak at nag-post din ng sweet na video kung saan tinulungan ni Zanjoe si Sabino sa kanyang birthday celebration. Ibinahagi rin niya ang pasasalamat sa saya at inspirasyong hatid ng kanilang anak sa kanilang pamilya.

Source: KAMI.com.gh