Rosmar Tan, pumalag sa akusasyon ng money laundering

Published 20 Sep 2026 at 11:44 PM

by Glory Mae Monserate

3 min read

Umalma si Rosmar Tan sa mga akusasyon ng money laundering na muling kumalat online kasunod ng pagbabalik ng kanyang mga pahayag tungkol sa malaking kita mula sa negosyo at pagbili nila ng kanyang asawa ng mga ari-arian nang cash
Sa isang serye ng post sa Facebook, mariing sinabi ni Rosmar na wala umanong mapatutunayan ang mga nananawagang imbestigahan siya at iginiit niyang malinis ang kanilang mga transaksiyon at pinagkakakitaan
Naging usap-usapan muli ang kanyang naging panayam sa Toni Talks kung saan napag-usapan ang sinasabi niyang milyon-milyong kinikita ng kanyang negosyo at ang kanilang desisyon ng asawa na bumili ng ari-arian at sasakyan nang walang utang
Sa kabila ng mga batikos, sinabi ni Rosmar na hindi niya ikinababahala ang mga paratang at ipinagtanggol ang kanyang pagiging cash buyer, habang binanggit din niya ang paniniwalang itinuro sa kanya ng kanyang mga magulang tungkol sa pag-iwas sa utang

PAY ATTENTION: stay informed and follow us on Google News!

Diretsahang sinagot ni content creator at negosyanteng si Rosmar Tan ang mga akusasyon ng money laundering na ibinabato sa kanya kasunod ng muling pagkalat online ng mga pahayag niya tungkol sa kanyang kita at mga ari-arian.

Read also

Christopher de Leon umaasa sa pagkakasundo nina Ian at Lotlot

Rosmar Tan, pumalag sa akusasyon ng money laundering (📷Rosemarie Tan Pamulaklakin/Facebook)
Source: Facebook

Sa kanyang Facebook account na Rosemarie Tan Pamulaklakin, nagbahagi si Rosmar ng serye ng post bilang tugon sa mga nagsasabing dapat siyang imbestigahan dahil sa dami ng kanyang mga napundar.

“Dapat daw ako imbestigahan kasi daw ang dami naming napundar? HAHAHA porket di nyo kaya? Tapos kaya namin? Impossible na agad? Wala kayong mapapatunayan dahil malinis kami HAHA papasikatin nyo lang ako lalo,” pahayag niya.

Muling naging paksa online ang tungkol sa kanyang kita at ari-arian matapos kumalat ang bahagi ng dati niyang panayam sa “Toni Talks.”

PAY ATTENTION: Follow us on Instagram - get the most important news directly in your favourite app!

Sa nasabing panayam, napag-usapan ang kita niya mula sa kanyang skincare business. Ayon sa naunang pahayag ni Rosmar, umaabot umano sa ₱10 milyon hanggang ₱13 milyon ang kinikita niya sa loob ng isang araw noong kasagsagan ng operasyon ng kanyang negosyo.

Napag-usapan din ang paraan nila ng kanyang asawa sa pagbili ng kanilang mga ari-arian at sasakyan. Ayon kay Rosmar, cash nila binibili ang mga ito at hindi sila kumukuha ng utang para sa naturang mga purchase.

Read also

Jopay Paguia, nagpahayag ng kahandaang makatrabaho muli si Rochelle Pangilinan

Dito naman umikot ang ilang komento online na nag-uugnay sa kanyang pagiging cash buyer sa tinatawag niyang “labada” o money laundering.

Tumugon si Rosmar sa naturang mga paratang at ipinaliwanag kung bakit mas pinipili niyang bumili nang cash.

“Nakakatawa HAHAHA kinokonek nyo ako sa Labada dahil sinabi kong cash lahat ng binibili namin? Bawal ba na takot lang sa utang? at di sanay na may utang? Pinalaki kasi akong ganun ng magulang ko. Bumili kapag kaya, manahimik kung hindi.”

“Judge me all you want and make up fake stories about me. It's fine because I and the people who love me know my true character.”

Samantala, naging bahagi rin ng mga kamakailang usapin tungkol kay Rosmar ang kanyang negosyo at paraan ng pagbibigay ng trabaho.

Noong Setyembre 11, 2026, iniulat ng KAMI ang mensahe ni Rosmar para sa mga taong patuloy na bumabatikos sa kanya. Sa kanyang pahayag, sinabi niyang maaaring maniwala ang iba sa anumang kuwento tungkol sa kanya, ngunit iginiit niyang kilala niya ang kanyang sariling pagkatao at malinis ang kanyang konsensiya. Sinabi rin niyang sa halip na patuloy na patulan ang mga kritiko, magpapatuloy lamang siya sa pagtulong sa iba.