Claudine Barretto, sinang-ayunan ang depensa ni Mariel para kay Robin Padilla

• Sumang-ayon si Optimum Star Claudine Barretto sa ginagawang pagdepensa ni Mariel Rodriguez-Padilla sa kwalipikasyon ng asawa nitong si Senador Robin Padilla sa pamahalaan
• Muling naging maingay sa social media ang lumang video mula sa vlog noong dalawang libo at dalawampu't dalawa kung saan inisa-isa ni Mariel ang kakayahan ng kaniyang mister
• Naglabas ng panibagong pahayag si Mariel upang linawin ang kaniyang sinabi ukol sa paggawa umano ng batas habang nakabilanggo pa ang kaniyang asawa sa Bilibid noong dekada nubenta
• Buong pagmamahal na ipinadama ni Claudine ang kaniyang suporta at pagmamahal sa kaniyang matalik na kaibigan sa kabila ng mga natatanggap nitong batikos mula sa mga kritiko online

Sinang-ayunan ni Optimum Star Claudine Barretto ang naging paglilinaw ni Mariel Rodriguez-Padilla tungkol sa mga nauna nitong pahayag kaugnay ng kaniyang asawang si Sen. Robin Padilla.

Sa social media, ibinahagi ni Claudine ang isang comic strip pubmat na ginawa ng isang entertainment news platform tungkol sa isyu. Kalakip nito ang maikli niyang reaksiyon na, “True.”

Read also

Vice Ganda, nilinaw ang dahilan ng ilang araw na pagkawala sa “It’s Showtime”

Ang pagsang-ayon ni Claudine ay kasunod ng panibagong video statement ni Mariel matapos muling kumalat online ang isang bahagi ng kaniyang vlog noong 2022.

Sa naturang lumang video, tinalakay ni Mariel ang mga kwalipikasyon ni Robin noong kandidato pa lamang ito sa pagkasenador.

Kabilang sa kaniyang sinabi noon ang pahayag na, "Si Robin no'ng nasa Bilibid nakapagpasa na ng batas. So, do'n sa mga nagsasabi na hindi siya qualified, I beg to disagree. He is more than qualified,"

Matapos muling kumalat ang video, nakatanggap ito ng iba’t ibang reaksiyon mula sa mga netizen. Dahil dito, naglabas si Mariel ng panibagong video upang ipaliwanag ang konteksto ng kaniyang sinabi.

Ayon kay Mariel, nang sabihin niyang gumagawa na ng batas si Robin habang nasa Bilibid, ang tinutukoy umano niya ay ang mga panahong nakikibahagi ang kaniyang mister sa paggawa o pagsusulong ng mga panukalang batas.

Sa kaniyang paliwanag, binanggit niya ang Republic Act No. 8294, na tumatalakay sa illegal possession of firearms at iba pang kaugnay na usapin.

Ipinaliwanag din ni Mariel ang kaniyang punto tungkol sa kung sino ang gumagawa at nagpapasa ng mga panukalang batas.

Read also

Mariel Padilla, nagsalita sa muling pag-viral ng 2022 vlog tungkol kay Robin

“Now, IF gamitin natin ang talino na binigay sa atin ng Maykapal… sino kaya ang nag-draft at nagpasa ng bill na naging RA 8294? Obviously, legislators.”

Aminado rin si Mariel na literal umano ang naging pagbasa ng ilan sa kaniyang dating pahayag, kaya niya ito nilinaw sa pamamagitan ng panibagong video.

Sa gitna ng usapin, ibinahagi naman ni Claudine ang video statement ni Mariel at nagpaabot ng mensahe para sa kaniyang tinawag na “utol.”

“Love [you] & Utol Mariel Termulo-Padilla,” aniya.

Ang pagkakaibigan nina Claudine at Mariel ay matagal nang nakikita sa kanilang mga social media post at pakikitungo sa isa’t isa. Sa pagkakataong ito, naging maikli ngunit malinaw ang reaksiyon ni Claudine sa naging paglilinaw ng kaniyang kaibigan.

Samantala, si Claudine Barretto ay isa sa mga itinuturing na pinakamatagumpay na aktres sa bansa na nakilala bilang Optimum Star dahil sa kaniyang mga hit teleserye at pelikula. Si Mariel Rodriguez naman ay isang sikat na TV host at misis ni Senador Robin Padilla na isa ring kilalang action star sa industriya.

Maaari ring basahin ang iba pang kaugnay na balita ukol kay Claudine Barretto sa mga sumusunod na ulat mula sa Kami.com.ph:

Read also

Bianca Umali, chill sa road trip kasama si Ruru Madrid matapos ang viral confession

Ibinunyag ng aktor na si Eric Fructuoso na si Claudine Barretto pala ang naging unang nobya niya noong sila ay mga kabataan pa sa industriya ng showbiz. Ibinahagi ng aktor ang kaniyang mga magagandang alaala noong sila ay magkasama pa. Marami sa mga tagasubaybay ang nagulat at natuwa sa naging pag-amin ng aktor.

Naging emosyonal naman ang aktres sa kaniyang inilabas na appreciation post para sa kaniyang anak na si Santino sa social media. Buong pagmamalaki at pagmamahal na ibinahagi ng aktres ang kaniyang pasasalamat sa magandang pagpapalaki sa kaniyang anak. Maraming tagahanga ang naantig sa ipinakitang pagmamahal ng aktres sa kaniyang pamilya.

Source: KAMI.com.gh