Jon Gutierrez, nais gawing santo o Nora Aunor ang tattoo sa kanyang braso

• Naghahanap ngayon ng mahusay na tattoo artist si Jon Gutierrez aka King Badger upang baguhin ang mukha ng kanyang ex-wife na si Jelai Andres sa kanyang braso
• Plano niyang gawing anghel, santo, o kaya naman ay ang mukha ng kanyang idol na si Superstar Nora Aunor ang ipapalit sa kanyang lumang tattoo
• Ipinahayag ni King Badger ang kanyang kagustuhan sa isang video post sa Facebook nitong Hulyo 23 kung saan nag-imbita siya ng mga artist na mag-submit ng sample
• May kasama ring paglalabas ng sama ng loob ang kanyang pahayag laban sa mga taong patuloy na gumagamit sa kanyang pangalan kahit nananahimik na siya

Naghahanap ngayon ng mahusay na tattoo artist ang vlogger at musician na si Jon Gutierrez, na kilala rin bilang si King Badger. Nais niyang baguhin at palitan ang tattoo sa kanyang braso na mukha ng kanyang ex-wife na si Jelai Andres.

Sa pamamagitan ng isang video post sa Facebook nitong Hulyo 23, inihayag ni King Badger ang kanyang panawagan para sa mga interesadong artist. Inanyayahan niya ang mga ito na mag-iwan ng kanilang mga sample at edit sa comment section ng kanyang post upang pumili ng pinakamagaling na gagawa ng bagong skin art.

Read also

Pangalan ni Sen. Robin Padilla nabanggit sa tanong ng Miss Q and A contestant

Plano ni Jon na ipalit sa dating larawan ang mukha ng isang anghel, santo, o 'di kaya ay ang kanyang idol na si Superstar Nora Aunor. Ayon sa kanya, paborito niya ang actress at napakalupit nito kaya magandang ideya na ito ang ilagay sa kanyang braso.

"LF TATTOO ARTIST! ‘My body, my rules,’" ang naging caption ni King Badger sa kanyang video post sa social media.

Inihayag rin niya ang dahilan kung bakit ngayon lang niya napagdesisyunang ipagalaw ang tattoo na ipinalagay pa noong taong 2017. Dahil annulled na ang kanilang kasal at marami na ring nagtatanong sa kanyang page, napagpasyahan niyang oras na para burahin ito. Nasa Japan na rin kasi ang paboritong artist na gumawa ng orihinal na tattoo sa kanya.

"Palupitan kayo ng edit. Eto gawin niyong anghel, ‘yan… or santo, gano’n," ang panawagan niya sa mga tattoo artist.

"Pwede ring ano… kasi idol ko si Nora Aunor, ‘yun," pagbanggit pa niya kay Ate Guy. "Napakalupit kasi nu’ng si Nora Aunor eh."

Bukod sa paghahanap ng artist, hindi rin pinalampas ni Jon na maglabas ng sama ng loob sa mga taong patuloy na nag-uugnay sa kanyang pangalan sa mga usapin kahit na tahimik na ang kanyang buhay ngayon.

Read also

Maegan Aguilar naging bukas sa kanyang mga naging desisyon sa buhay

"Nananahimik na buhay ko, gatas na gatas pa rin eh," dagdag pa niyang pahayag sa kanyang video.

Si Jon Gutierrez ay kilala bilang miyembro ng hip-hop group na Ex Battalion at dating kalahati ng sikat na tambalang "Team JoLai" kasama si Jelai Andres. Matapos ang ilang taong pagsasama at mga kontrobersya, opisyal nang na-annul ang kasal ng dalawa, kaya naman patuloy ang bawat isa sa paglipat sa bagong yugto ng kanilang buhay.

Sa kabila ng mga pinagdaanan sa nakaraan, patuloy pa rin ang pagsubaybay ng publiko sa mga pinakabagong kaganapan sa buhay ng magkabilang panig.

Kamakailan lamang, diretsahang sinagot ni Jelai Andres sa isang panayam kung napatawad na niya si Jon Gutierrez pati na rin ang kanyang sarili matapos ang lahat ng nangyari sa kanilang relasyon. Sa kabila ng mga naging pagsubok, ipinahayag ng aktres at vlogger ang kanyang proseso ng paghilom at kung paano niya itinaguyod ang kanyang sarili para sa mas payapang pamumuhay.

Bukod dito, ibinunyag din ni Jelai Andres ang mga qualities na kanyang hinahanap ngayon sa isang future boyfriend kung sakaling magmamahal siyang muli. Bagamat hindi nagmamadali, malinaw sa vlogger ang mga katangiang mahalaga para sa kanya upang makabuo ng isang masusustansya at masayang relasyon sa hinaharap.

Read also

Makeup artist ni Kris Aquino, nagbigay ng hint sa kaniyang comeback

Source: KAMI.com.gh