Sachzna Laparan, proud degree holder na sa kabila ng mga batikos online

• Matagumpay na nakapagtapos si Sachzna Laparan ng kursong Bachelor of Science in Office Administration sa Philippine Christian University
• Ibinahagi ng kilalang content creator ang kaniyang sakripisyo bilang breadwinner na naging dahilan ng pagtigil niya sa pag-aaral noon
• Mariing itinanggi ng aktres ang mga kumakalat na balitang binili lamang niya ang kaniyang diploma para makapagtapos
• Ginamit ni Sachzna ang Expanded Tertiary Education Equivalency and Accreditation Program o ETEEAP base sa kaniyang karanasan sa negosyo

Sa gitna ng kislap ng mga camera at tagumpay sa negosyo, isang mas mahalagang pangarap ang tahimik na tinupad ng social media personality na si Sachzna Laparan. Nitong March 13, ibinahagi niya ang kaniyang kagalakan suot ang toga at graduation cap matapos opisyal na maging graduate ng Philippine Christian University sa kursong Bachelor of Science in Office Administration.

Hindi naging madali ang landas na tinahak ni Sachzna. Sa kaniyang post, ibinahagi niya na sa edad na 13 ay nagsimula na siyang magtrabaho at napilitang huminto sa pag-aaral noong siya ay 16 anyos pa lamang. Bilang breadwinner ng pamilya, inuna niya ang kapakanan ng kaniyang mga mahal sa buhay bago ang sariling edukasyon.

Read also

DepEd at Taguig LGU, nagpaabot ng pakikiramay sa pamilya ng isang Grade 10 student

“I started working at the age of 13. That's why I had to stop studying at the age of 16, that's why I didn't have the chance to graduate college right away because I am a breadwinner. But I promised myself that I will finish my studies no matter what happens... whatever age it is and whatever achievements I have already achieved. Dreams don't have deadline,” pahayag niya.

Ngunit sa kabila ng kaniyang tagumpay, hinarap ni Sachzna ang mga akusasyon na binili lamang umano niya ang kaniyang diploma. Hindi ito pinalampas ng CEO at content creator. “It's my first time to oppose fake news, because what I've been through is not a joke. I'm hurt by other articles I read that say I bought my diploma. First of all, that's not how I know Philippine Christian University. They are one of the universities that are pro-working students and have a good program for people who are too busy but still want to graduate. Secondly, it seems like you are invalidating my tiredness, effort, and dedication to graduate,” saad niya sa kaniyang Facebook post.

Nilinaw rin niya na nakapagtapos siya sa pamamagitan ng Republic Act No. 12124 o ang ETEEAP Act. Ang programang ito ay nagbibigay ng pagkakataon sa mga indibidwal na may sapat na work experience na makakuha ng academic credits. Sa kaso ni Sachzna, ang kaniyang anim na taong karanasan bilang business owner ang naging basehan para sa kaniyang degree. “And here professors are still fair. Whether you have money or not, known or not, you can still be dropped. So many submissions, too — it's like you could build a book out of volume,” dagdag pa niya.

Read also

Rabiya Mateo, pinatunayan na beauty and brains sa kaniyang NMAT result

Bukod sa kaniyang buhay-estudyante, kilala si Sachzna bilang isang matagumpay na entrepreneur at aktres na naging inspirasyon ng marami dahil sa kaniyang sipag. Sa kaniyang graduation, naging emosyonal siya dahil siya ang kauna-unahang nakapagtapos ng kolehiyo sa pamilya Laparan, isang karangalang inalay niya para sa kaniyang ina.

Hindi ito ang unang pagkakataon na naging usap-usapan ang pangalan ni Sachzna sa social media dahil sa kaniyang mga pinagdaraanan bilang isang tanyag na personalidad. Narito ang ilang mga naunang balita tungkol sa kaniya na nailathala rin sa aming site:

Matatandaang naging viral din ang hiling ni Sachzna Laparan na makahanap ng isang mapagkakatiwalaang contractor matapos siyang makaranas ng mga hindi inaasahang problema sa construction ng kaniyang bahay. Ibinahagi niya ang kaniyang pagkadismaya sa mga naging aberya sa kaniyang dream project na nagpakita ng kaniyang pagiging matapang pagdating sa kaniyang mga investment.

Bukod sa mga seryosong usapin, naging usap-usapan din ang kaniyang katatagan matapos siyang ma-sting ng isang jellyfish habang nasa gitna ng isang pictorial o shoot. Sa kabila ng sakit at panganib, nanatiling propesyonal ang aktres na nagpapakita lamang ng kaniyang dedikasyon sa kaniyang trabaho bilang isang content creator.

Source: KAMI.com.gh