Mariel Padilla nag-viral matapos i-like ang post tungkol sa analogy ni Bong Suntay kay Anne Curtis

• Naging viral sa social media si Mariel Padilla matapos mapansing ni-like nito ang isang post na tila nagbibigay ng ibang perspektibo sa analogy ni Congressman Bong Suntay
• Ang naturang post na gawa ni Tio Moreno ay naghahambing sa kontrobersyal na pahayag ni Suntay tungkol kay Anne Curtis sa nakaraang isyu ni dating Senadora Leila De Lima
• Mariing kinondena ng Malacañang at ni Quezon City Mayor Joy Belmonte ang naging pahayag ng kongresista dahil sa paglabag nito sa Safe Spaces Act at pag-objectify sa mga kababaihan
• Sa kabila ng paghingi ng paumanhin ni Suntay ay nanindigan ang mga opisyal na hindi ito sapat para mabura ang epekto ng kanyang mga salitang nakasakit sa dignidad ng isang babae

Muling naging viral sa social media ang TV host na si Mariel Padilla matapos mapansin ng mga netizen ang kanyang pag-like sa isang post na nagbibigay ng ibang anggulo sa isyu. Ang naturang post ay naglalayong bigyang-matwid ang naging pahayag ni Quezon City Representative Bong Suntay tungkol sa aktres na si Anne Curtis sa pamamagitan ng paghahambing nito sa ibang isyu sa politika.

Read also

Sandara Park, binasag ang katahimikan sa mabibigat na akusasyon ni Park Bom

Sa post na ibinahagi ni Tio Moreno na nakakuha ng atensyon ni Mariel, sinabi nito: “Galit na galit ang mga kakampinks sa analogy ni Bong Suntay pero ginawang Queen si Leila De Lima na tumira lang naman ng driver na may asawa at pamilya. Nakita niyo na ang mali? Imagination vs. Overt act.” Dahil dito, mabilis na kumalat ang screenshot ng pagkaka-like ni Mariel, lalo na’t ang isyu ay tungkol sa paggalang sa kapwa babae.

Nagsimula ang lahat nang umani ng batikos si Suntay dahil sa kanyang mga salita tungkol kay Anne Curtis na itinuturing na "lewd" o malaswa. Ayon kay Palace press officer Castro, isang abogado, ang ginawa ni Suntay ay isang krimen sa ilalim ng Republic Act No. 11313 o ang Safe Spaces Act. Ani Castro, “I was offended on behalf of all women, especially when it is even being touted as an honor for a woman to be objectified in someone’s fantasies. Should we really be grateful that a man is thinking indecent thoughts about your womanhood?”

Read also

Abyss Company kinumpirma ang pagtatapos ng kontrata ni Sandara Park

Dagdag pa ng opisyal, hindi sapat ang belated apology ng kongresista. “He has already done it. The offense has consummated. We have already seen what is in his mind, how he thinks, and how he acts when he sees a beautiful woman,” saad ni Castro sa isang briefing habang nakasuot ng purple terno bilang pagdiriwang sa Women’s Month.

Maging si Quezon City Mayor Joy Belmonte ay hindi ikinatwa ang pagkadismaya. Binigyang-diin niya na bilang dating miyembro ng city council na nagpasa ng Gender and Development Code, dapat ay mas alam ng kongresista ang tamang asal. “In this context, it is truly disappointing to witness Congressman Suntay’s casual display of objectification, on Women’s Month no less,” pahayag ng alkalde.

Si Mariel Padilla ay kilalang asawa ni Senator Robin Padilla at matagal nang aktibo sa industriya ng showbiz. Dahil sa kanyang impluwensya, mabilis na nag-viral ang kanyang bawat galaw sa social media, partikular na ang mga isyung may kinalaman sa karapatan ng kababaihan at politika. Habang umiinit ang usapin, marami ring ibang personalidad ang nagpahayag ng kanilang saloobin tungkol sa naging trato kay Anne Curtis.

Kamakailan lamang, nagbigay din ng kanyang saloobin ang beteranang aktres na si Pinky Amador kaugnay ng naging depensa ni Alvin Aragon para kay Bong Suntay. Sa ulat ng Kami.com.ph, tinalakay ang reaksyon ni Pinky kung saan tila hindi ito sumang-ayon sa katuwirang ibinigay para sa kongresista. Binigyang-diin sa artikulo ang kahalagahan ng respeto sa kababaihan anuman ang konteksto ng usapan.

Read also

Kampo ni Sandara Park naglabas ng opisyal na pahayag hinggil sa mga alegasyon ng dating kagrupo

Sa kabilang banda, maging ang talent manager na si Ogie Diaz ay nagpahayag ng kanyang inaasahang aksyon mula sa mga matataas na opisyal ng bansa. Ayon sa ulat ng Kami.com.ph, hinihintay ni Ogie kung ano ang magiging hakbang o pahayag ni VP Sara Duterte tungkol sa isyung ito. Naniniwala ang marami na ang ganitong uri ng usapin ay dapat matutukan para hindi na pamarisan pa.

Source: KAMI.com.gh