Jeraldine Blackman, nagbahagi ng update sa buhay nila ng dating asawang si Josh

• Ibinahagi ni Jeraldine Blackman na nananatiling maayos ang ugnayan nila ng dating asawa para sa kapakanan ng kanilang mga anak
• Nilinaw ng content creator na naging matagumpay ang kanilang co-parenting setup sa loob ng nakalipas na isang taon
• Kasabay nito ay nagbigay rin siya ng update tungkol sa kaniyang bagong karelasyon at ang pagnanais na muling magkaroon ng supling
• Nagpasalamat ang Pinay vlogger sa lahat ng mga tagasubaybay na naniwala at hindi nang-iwan sa kanilang pamilya sa gitna ng pagsubok

Isang taon matapos ang kanilang opisyal na paghihiwalay, muling nagbigay ng pasilip ang kilalang Pinay content creator na si Jeraldine Blackman sa takbo ng kanilang buhay pamilya kasama ang dating asawang si Josh Blackman. Sa gitna ng mga tanong ng netizens, ipinakita ni Jeraldine na mas pinili nilang maging civil para sa kanilang dalawang anak na sina Jette at Nimo.

Nitong February 14, nag-upload si Jeraldine ng isang larawan kung saan makikitang kasama niya si Josh at ang mga bata sa loob ng sasakyan. Ayon sa kaniya, naging maayos ang kanilang kasunduan pagdating sa pagpapalaki ng mga bata. “Josh and I have been doing really good at collaborative co-parenting over the last 12 months,” sulat niya sa kaniyang post.

Read also

Kylie Padilla binahagi ang pananaw sa pagpapatawad at pagpapatuloy ng buhay matapos ang hiwalayan

Dagdag pa ni Jeraldine, nakikita nilang masaya ang kanilang mga anak sa kasalukuyang sistema kung saan pantay ang oras na ibinibigay nila sa mga ito. “The kids have been very happy, and we share equal time with them. Josh has been very supportive of me, and I’ve been supportive of him too,” pahayag pa ng vlogger. Sa huli ay nagpaabot siya ng pasasalamat sa mga tagahanga: “And thank you to everyone who believed in us and stayed with us 🤍.”

Matatandaang naging maugong ang hiwalayan ng mag-asawa noong February 2025 matapos ang ilang taong pagbabahagi ng kanilang masayang buhay sa Australia. Sa kabila nito, mariing itinanggi ni Jeraldine ang mga isyu ng panloloko at sinabing walang "bad blood" sa pagitan nilang dalawa.

Sa kasalukuyan, masaya na rin si Jeraldine sa piling ng kaniyang bagong karelasyon na si Justin Leo, na ipinakilala niya noong Nobyembre. Ayon kay Jeraldine, malaki ang naging tulong ni Justin upang maibalik ang kaniyang ngiti. “Thank you for lifting me up on my hardest days. Thank you for making me smile and laugh again. Thank you for caring and loving me/us. HELLO EVERYONE! Meet Justin - he is nice, kind and the most thoughtful person in the world,” saad niya.

Kamakailan lang ay naging bukas din si Jeraldine sa kaniyang pagnanais na magkaroon ng anak kay Justin, bagama't hindi pa sila pinalalad sa ngayon. Sa kaniyang post tungkol sa mga negatibong pregnancy tests, inamin niyang mahirap itong ibahagi sa publiko. “It’s not yet the right time,” aniya, sabay dagdag na “This was hard to share 😔 but I know everything happens for a reason.”

Read also

Ai-Ai delas Alas, may rebelasyon sa kasalukuyang ugnayan nila ni Kris Aquino

Sa kabila ng mga pagbabagong ito, patuloy na nagpapakita ng katatagan si Jeraldine sa harap ng kaniyang mga followers habang hinaharap ang bagong yugto ng kaniyang buhay.

Tuluyan na ngang tinalikuran ni Jeraldine ang branding na "Blackman Family" na siyang nagpasikat sa kaniya sa social media. Ipinaliwanag niya na ang desisyong palitan ang pangalan ng kaniyang mga accounts ay bahagi ng kaniyang pag-move on at pagyakap sa kaniyang bagong pagkakakilanlan kasama ang mga anak.

Bukod sa hamon ng kaniyang nakaraang relasyon, hinarap din ni Jeraldine ang isang matinding dagok noong nakaraang Pasko. Ibinahagi niya ang kaniyang pangungulila sa pagpanaw ng kaniyang biyolohikal na ama, kung saan ipinahayag niya ang kaniyang kalungkutan sa gitna ng dapat sana ay masayang selebrasyon.

Source: KAMI.com.gh