Mariel Padilla, may nakaka-touch na mensahe para sa kaarawan ni Alex Gonzaga

• Nagbahagi si Mariel Padilla ng mga larawan sa Instagram para sa pagdiriwang ng kaarawan ni Alex Gonzaga
• Inilarawan ni Mariel ang vlogger-actress bilang isa sa kanyang mga paboritong tao
• Ipinahayag din ni Mariel ang kanyang labis na pagmamalaki at pasasalamat na naging bahagi si Alex ng kanyang buhay
• Makikita sa mga larawan ang masayang bonding nina Mariel, Alex, Toni Gonzaga, at Luis Manzano

Isang madamdamin at puno ng pagmamahal na pagbati ang ibinahagi ni Mariel Padilla para sa kaarawan ng kanyang matalik na kaibigan na si Alex Gonzaga. Sa kanyang Instagram post, hindi nakalimutan ni Mariel na purihin ang magandang katangian ni Alex na laging nagdadala ng saya sa kanilang samahan.

"Happy birthday, Cat!!! You’re honestly one of my favorite people — so funny, so generous, and so full of love," ani Mariel sa kanyang caption.

Ayon sa host, palagi siyang proud sa mga nararating ni Alex at nagpapasalamat siya na nakilala niya ito.

Read also

Andi Eigenmann, nagbalik-tanaw sa naging buhay niya bago lisanin ang showbiz

"I’m always, always proud of you and grateful to have you in my life. This year is going to be such a good one for you, I can feel it. Love you lots!" dagdag pa niya.

Agad namang sumagot si Alex sa post at nagpasalamat din sa kanyang "Ate Ma" dahil sa pagmamahal nito sa kanya.

"Love you, Ate Ma!!! Thank you for being a family to us!!!," hirit ng birthday girl sa comment section.

Makikita sa mga ibinahaging litrato ang kanilang simple ngunit eleganteng pormahan, kung saan naka-burgundy suit si Mariel habang naka-puting lace dress naman si Alex at black off-shoulder gown si Toni Gonzaga.

Nagbahagi rin si Mariel ng mga candid na kuha kung saan makikitang kasama nila ang TV host na si Luis Manzano na nakisaya rin sa kaarawan ni Alex. Mayroon ding larawan si Mariel habang kumakanta sa harap ng mic, na nagpapakita ng masiglang vibe ng nasabing party.

Swipe left para makita pa ang ibang photos:

Si Mariel Padilla ay isang kilalang TV host sa Pilipinas. Nakilala siya bilang isa sa mga host ng noontime show na Wowowee at kalaunan ay naging bahagi rin ng It's Showtime. Maliban dito, naging visible siya sa iba't ibang programa ng ABS-CBN at TV5. Kilala siya sa kanyang husay sa pakikipag-ugnayan sa mga manonood at pagiging natural sa harap ng kamera. Sa personal na buhay, si Mariel ay ikinasal kay Robin Padilla noong 2010. Sila ay biniyayaan ng dalawang anak na babae. Kilala rin siya sa pagiging hands-on na ina at madalas niyang ibinabahagi sa social media ang kanyang motherhood journey. Bukod sa showbiz, naging abala rin siya sa ilang business ventures at online content creation, na lalo pang nagpalapit sa kanya sa mga fans.

Read also

Ruffa Gutierrez, nagpasalamat sa tagumpay ng operasyon ng amang si Eddie Gutierrez

Sa nakaraang ulat ng KAMI noong 2025 ay nag-react si Mariel Padilla sa pahayag ng DTI na posibleng makapaghanda ng Noche Buena sa halagang ₱500 lamang. Ibinahagi ni Mariel na "na-trigger" siya sa naging pahayag na ito ng DTI. Sinubukan pa niya mismo pagkasyahin ang P500 matapos siyang ma-challenge. Gayunpaman, iginiit niya na naniniwala siyang "the Filipinos deserve more" kaysa sa P500 na budget.

Samantalang noong taon din na iyon ay dinepensahan ni Mariel Padilla ang kanyang asawa na si Robin Padilla. Sa Facebook, nag-post si Mariel ng statement ukol sa pang-aakusa sa senador. Aniya ng celebrity figure, unfair daw na i-claim na dinisrespect ni Sen. Robin ang watawat ng Pilipinas. Bukod pa rito ay nag-post din si Mariel ng malinaw na kuha ng viral na photo upang i-debunk ang pang-aakusa.

Source: KAMI.com.gh