Albie Casiño ipinaliwanag ang dahilan ng kanyang pahayag laban kay Slater Young

• Albie Casiño mas naging bukas sa mga isyung panlipunan matapos maging ama sa kanyang unang anak
• Ibinunyag niyang inspirasyon niya ang kanyang anak at partner sa pagiging mas maalam sa mga isyung pambansa
• Tinawag niya si Slater Young na magsalita sa gitna ng kontrobersiya ng Monterrazas project sa Cebu
• Nanawagan din si Albie ng pananagutan sa mga may kinalaman sa mga proyektong nakakaapekto sa mga mamamayan

Mas naging mapanuri at matapang si Albie Casiño sa mga isyung panlipunan matapos siyang maging ama. Sa press conference ng kanyang bagong pelikulang “Andoy” nitong Nobyembre 13 sa Quezon City, inamin ng aktor na ang pagkakaroon ng anak ang nagtulak sa kanya na maging mas maalam at mapanindigan sa mga usaping may kinalaman sa kapwa Pilipino.

Ayon kay Albie, malaking bahagi sa pagbabago ng kanyang pananaw ang kanyang partner. “I guess we can thank my baby mama. Kasi parang lagi niyang sinasabi sa akin that you’re so vocal about US politics, never about your own. Now I have a son, so I guess I’m more political now,” paliwanag niya.

Read also

Kiray Celis ibinahagi ang “pakiusap” kay Vice Ganda bilang ninong sa kasal

Dagdag pa ng aktor, dati raw ay hindi siya masyadong nakikialam sa mga ganitong bagay, ngunit nagbago ang lahat nang maging magulang siya. “Dati naman, wala naman akong pakialam kung ano mangyayari sa iba. But now that I have a son, I want to leave a better future for him,” sabi pa ni Albie.

Isa sa mga isyung kanyang pinuna ay ang kontrobersyal na The Rise at Monterrazas project ni Slater Young. Sa social media, tinawag niya si Slater dahil sa pananahimik nito sa gitna ng muling pag-init ng usapin tungkol sa proyekto, na sinasabing nakaapekto sa pagbaha sa ilang bahagi ng Cebu.

Bagaman wala raw siyang personal na koneksyon kay Slater, sinabi ni Albie na kailangan ng mga personalidad na maging responsable sa kanilang mga proyekto at pahayag. “Nung nagsimula ‘yung project, parang maraming siyang sinasabi na hindi daw mangyayari, pero nangyari, so I just wanna know… And wala masyadong nag-uusap about it, kasi I guess friend nila ‘yung asawa (Kryz Uy), that’s selective outrage,” ani niya.

Ibinahagi rin ni Albie ang kanyang naging emosyon matapos mapanood ang mga video ng mga apektadong residente. “It’s just sad the state of what’s going on now… Like the video of them on the roof, tas yung bata sabi, ‘Mommy, we lost everything.’ It breaks your heart,” wika niya.

Read also

Kiray Celis, nagpaliwanag ukol sa viral photo sa Japan prenup shoot

Dahil dito, nanawagan si Albie kay Slater na magsalita at makiramay sa mga naapektuhan. “As a man, maybe speak up, diba? Say something. Condolences to the families, to the people who lost loved ones. Kahit ‘yun na lang,” dagdag pa niya.

Hindi ito ang unang pagkakataon na nagsalita si Albie hinggil sa mga isyung may kinalaman sa gobyerno at kapaligiran. Kamakailan, binatikos din niya si Zaldy Co dahil sa umano’y anomalya sa ilang proyekto sa bansa. Ayon kay Albie, gusto lamang niyang masiguro na may pananagutan ang mga opisyal sa mga pagkukulang nila. “I don’t wish harm on anybody. Pero let’s hold them accountable. Doon na lang,” aniya.

Para sa aktor, ang pagiging ama ay nagbukas ng kanyang puso sa mas malawak na pananaw—na ang bawat desisyon at paninindigan ay may epekto hindi lang sa kanya kundi sa susunod na henerasyon.

Si Albie Casiño ay unang nakilala sa teleseryeng Mara Clara at sa iba’t ibang pelikulang indie. Sa mga nakalipas na taon, ipinakita niya ang mas seryosong aspeto ng kanyang personalidad—mula sa pagiging artista hanggang sa pagiging outspoken citizen. Bukod sa pag-arte, aktibo rin si Albie sa pagbabahagi ng kanyang saloobin sa social media hinggil sa mga isyung panlipunan at pangkalikasan.

Read also

Dionela, nagdesisyong i-donate ang kikitain sa kanyang first major concert

Albie Casiño nagbigay ng matinding reaksyon sa pahayag ng anak ni Zaldy Co Sa ulat ng KAMI.com.ph, ipinahayag ni Albie ang kanyang saloobin tungkol sa isyu ng mga proyekto ni Zaldy Co. Aniya, dapat ay may pananagutan ang mga sangkot sa mga proyekto na may epekto sa mamamayan. 📎 Basahin dito

Albie Casiño binanggit si Slater Young sa gitna ng isyu sa Monterrazas project Nauna nang pinuna ni Albie ang pananahimik ni Slater Young tungkol sa proyekto ng Monterrazas. Sinabi niyang mahalagang magsalita ang mga personalidad sa mga isyung may kinalaman sa kapaligiran.

Source: KAMI.com.gh