Korean comedian na si Jung Se Hyup, pumanaw na sa edad na 41

• Pumanaw ang Korean comedian na si Jung Se Hyup sa edad na 41
• Bigla raw siyang nakaramdam ng pananakit ng dibdib at hirap sa paghinga habang kasama ang isang kaibigan at agad dinala sa ospital
• Nakilala siya sa mga palabas na People Looking for a Laugh at Gag Concert
• Muling nagbalik sa comedy si Jung nitong Abril 2024 matapos ang mahabang pahinga

Pumanaw ang Korean comedian na si Jung Se Hyup sa edad na 41.

Nakilala siya sa mga sikat na programang People Looking for a Laugh at Gag Concert.

Ayon sa mga ulat, kasama ni Jung ang isang kaibigan nang bigla siyang makaramdam ng matinding pananakit ng dibdib at hirap sa paghinga.

Agad siyang dinala sa ospital ngunit binawian din ng buhay noong Oktubre 6.

Isang kaibigan ang nagsabi sa SBS News na habang kausap pa raw ng komedyante ang doktor sa emergency room, bigla itong inatake sa puso.

Read also

Michael V, emosyonal sa ‘Bubble Gang’ reunion; excited sa collaboration nila ni Vice Ganda

Sinubukan siyang sagipin ng mga doktor sa pamamagitan ng CPR at iba pang gamutan ngunit hindi na siya nailigtas.

Idinaos ang burol ni Jung sa Hanbaeksan Funeral Home sa Hwaseong, Gyeonggi Province, at nakatakdang ilibing sa Hanbaeksan Memorial Park.

Nagpahayag ng pakikiramay ang Gag Concert sa pamamagitan ng isang post kung saan sinabi nilang lubos silang nalungkot sa pagpanaw ni Jung at hiniling ang kanyang kapahingahan.

Noong 2015, matagumpay na nalampasan ni Jung ang kanyang laban sa leukemia matapos sumailalim sa bone marrow transplant.

Unang sumikat si Jung noong 2008 bilang bahagi ng SBS 10th class ng special comedians.

Lumabas siya sa mga variety shows tulad ng Gag Tonight at People Looking for a Laugh kung saan ginampanan niya ang karakter na “Chow Chow.”

Pagkalipas ng mahabang pahinga, bumalik siya sa comedy noong Abril 2024 sa programang Gag Concert.

Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.

Ang mga balita, larawan, o video na nakakaantig ng interes ng mga netizen ay madalas nagiging viral sa social media dahil sa atensyon na ibinibigay ng publiko. Ang ganitong mga post ay kadalasang tumatama sa emosyon ng mga netizen, at sa ilang pagkakataon, maaari rin itong mangyari sa mga karaniwang tao, na mas nagiging relatable sa marami.

Read also

Patay at bubog-sarado na katawan ng isang aktres-influencer, natagpuan sa loob ng maleta

Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.

Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.

Source: KAMI.com.gh