Vice Ganda, nanawagan ng salary increase para sa mga teachers sa Pilipinas

• Nanawagan si Vice Ganda sa gobyerno na dagdagan ang sahod ng mga teacher bilang pagkilala sa kanilang serbisyo
• Ayon sa TV host, hindi dapat “i-romanticize” ang sakripisyo ng mga teacher dahil karapatan nila ang disente at patas na kompensasyon
• Sinabi rin niyang naaabuso na ang “resilience” ng mga Pilipino, partikular na ng mga teacher na kulang sa suporta
• Ginawa ni Vice ang panawagan sa “It’s Showtime” bilang bahagi ng pagdiriwang ng World Teachers’ Day

Sa gitna ng pagdiriwang ng World Teachers’ Day, nanawagan si Vice Ganda sa gobyerno na taasan ang sahod ng mga teacher bilang pagkilala sa kanilang walang sawang serbisyo at sakripisyo para sa kabataan.

Ginawa ni Vice ang pahayag sa segment na “Laro Laro Pick” ng It’s Showtime noong October 4, kung saan mga teacher ang naging kalahok bilang bahagi ng pagdiriwang para sa araw ng mga teachers.

Ayon sa isang kindergarten teacher na lumahok, napakasarap sa pakiramdam na maging “ikalawang magulang” ng mga estudyante sa loob ng paaralan at maramdaman ang respeto at pasasalamat ng mga bata. Ngunit, para kay Vice, hindi dapat ito maging dahilan upang balewalain ang mas malaking usapin — ang mababang sahod ng mga teacher sa bansa.

Read also

Sen. Alan Peter Cayetano, iminungkahi ang snap elections upang maibalik ang tiwala ng publiko sa pamahalaan

“Pero, kailangan kayong ituring nang mas disente, bigyan ng mas disenteng kompensasyon o sahod, kasi baka kung lagi nating sinasabi… ‘Puwede na ’to,’ hindi nabibigyang importansya o inaabuso. Naaabuso ang resilience ng mga Pilipino,” paliwanag ng TV host-comedian.

Dagdag pa niya, “Kailangang swelduhan ng mataas ang mga teacher. Kaya po mababa ang suweldo n’yo kasi ninakawan kayo.”

Pinuri rin ni Vice ang dedikasyon ng mga teacher na patuloy na nagtuturo sa kabila ng mababang kita at kakulangan ng suporta. Para sa kanya, panahon na upang pakinggan ng mga nasa posisyon ang mga hinaing ng mga teacher na madalas nakikibaka para sa karampatang kompensasyon.

“Hindi ito dapat i-romanticize. Hindi sapat ang salitang ‘pasasalamat’ kung hindi naman nasusuklian ng sapat na sahod,” dagdag pa niya.

Ang kanyang panawagan ay umani ng papuri mula sa mga manonood at teacher sa social media. Marami ang sumang-ayon sa punto ni Vice, na matagal nang isinisigaw ng mga teacher sa iba’t ibang panig ng bansa ang pangangailangang taasan ang sahod ng teaching personnel, lalo na sa mga pampublikong paaralan.

Read also

Mahigit 100 sinkhole natagpuan sa San Remigio, Cebu matapos ang magnitude 6.9 na lindol

Matatandaang noong October 3, ilang grupo ng mga teacher ang nagsagawa ng kilos-protesta upang ipanawagan muli sa gobyerno ang teacher’s salary hike, kasabay ng pagdiriwang ng Teachers’ Day. Daladala nila ang panawagang mabigyan ng mas maayos na kabuhayan at respeto sa kanilang propesyon.

Si Vice Ganda, o Jose Marie Viceral sa totoong buhay, ay kilalang Phenomenal Box-office Star at isa sa mga pinakaimpluwensyal na personalidad sa telebisyon at social media. Bukod sa kanyang tagumpay bilang komedyante at TV host, kilala rin siya sa paggamit ng kanyang plataporma upang ipagtanggol ang mga karaniwang mamamayan at magpahayag ng opinyon sa mga isyung panlipunan.

Sa mga nakaraang taon, naging boses siya ng marami sa mga isyung may kinalaman sa equality, respeto, at katarungan — isang dahilan kung bakit patuloy siyang hinahangaan ng publiko, hindi lamang bilang entertainer, kundi bilang advocate ng kabutihan at malasakit.

Sa isang ulat ng Kami.com.ph, natawa at napa-react si Vice Ganda nang tawagin siyang “Tatay” ng isang teacher na kalahok sa It’s Showtime. Agad niyang binirong, “Tatay agad? Hindi pa ako handa!” habang nagdulot ng halakhakan sa studio. Ang nakakatuwang sandaling ito ay nagpakita ng natural na rapport ni Vice sa mga teacher at mga kalahok sa programa.

Read also

Ate Gay, emosyonal na nagpasalamat matapos makita ang mabilis na epekto ng radiation therapy

Ayon sa isa pang artikulo ng Kami.com.ph, nagkaroon ng maikling pag-uusap sina Vice Ganda at Lala Sotto, chairperson ng MTRCB, sa gitna ng segment ng It’s Showtime. Sa kabila ng mga nakaraang isyu sa pagitan ng programa at ng ahensya, ipinakita ng dalawa ang pagiging propesyonal at respeto sa isa’t isa. Pinuri ng netizens ang maturity ni Vice sa pagharap sa mga ganitong sitwasyon.

Source: KAMI.com.gh