Panibagong update ni Ate Gay sa kalagayan niya, nagpaantig: "Dami ko anghel"

• Nagbahagi muli ng panibagong update ang komedyanteng si Ate Gay
• Sa Instagram, ipinasilip ni Ate Gay ang kanyang kalagayan sa kasalukuyan
• Aniya ng komedyante, marami raw siya talagang mga "anghel" sa buhay
• Dahil dito, naantig ang puso ng maraming netizens, lalo na ang mga fans niya

[BABALA]: Ang artikulong ito ay naglalaman ng mga paksa tungkol sa kalusugan at ospital.

Nagbahagi ng panibagong update ang minamahal na komedyanteng si Ate Gay sa kanyang Instagram nitong araw sa gitna ng kanyang matinding pagsubok matapos kumpirmahin ang kanyang cancer. Ang mensahe niya'y naging liwanag ng pag-asa at patunay ng walang sawang pagmamahal at suporta na kanyang natatanggap mula sa mga taong tumutulong sa kanya.

Sa kanyang post, kalakip ang larawan niya na nasa kama, nagbigay ng simple ngunit makahulugang pahayag si Ate Gay. Ibinahagi niyang siya raw ay "nasa maayos na akong kalagayan" matapos siyang bigyan ng libreng pananatili sa isang condo unit na malapit sa Asian Hospital. Ang balitang ito ay sadyang nakakapawi ng pangamba at nagpapakita na sa kabila ng hirap na dala ng kanyang kalagayan, patuloy siyang tinutulungan ng mga may ginintuang puso.

Read also

Sen. JV Ejercito shares near-accident with SUV: “Siguradong ospital ako kung tinamaan”

Marubdob niyang ipinahayag ang kanyang pasasalamat sa mga taong tinawag niyang "dami ko anghel" sa kanyang buhay. Sa partikular, pinangalanan niya ang mag-asawang Mary Grace at Reggie bilang mga pangunahing instrumento sa biyayang ito. Ang ganitong uri ng suporta, lalo na sa panahon ng matinding pangangailangan, ay labis namang pinuri ng mga fans ni Ate Gay.

Upang suklian ang kabutihan ng mag-asawa, marangal niyang ni-rekomenda sa mga netizens ang negosyo ng mag-asawa. Ang kanyang imbitasyon ay malinaw at buo: "Kain kayo sa Hoop Si Log, #8 Emerald St., Marcos Alvarez Talon Uno Las Piñas City. Sila may ari niyan," aniya Ate Gay.

Si Ate Gay, na ang tunay na pangalan ay Gil Morales, ay isang kilalang Filipino comedian at impersonator. Sumikat siya dahil sa kanyang mahusay na paggaya kay Nora Aunor. Madalas siyang makitang nagpe-perform sa iba't ibang comedy bars kung saan pinagsasama niya ang pagpapatawa, pagkanta, at pagbibigay-aliw sa mga manonood. Dahil sa kanyang kakaibang talento sa impersonation at pagiging natural na entertainer, naging paborito siya ng maraming Pilipino. Bukod sa kanyang career sa comedy bars, lumabas din si Ate Gay sa telebisyon at pelikula, kung saan mas lalo pang nakilala ang kanyang personalidad. Kilala rin siya sa pagiging prangka, totoo sa sarili, at sa pagbabahagi ng kanyang personal na karanasan sa buhay pati.

Read also

Ogie Alcasid, pinabulaanan ang kumakalat na balitang may lung cancer siya

Sa nakaraang ulat ng KAMI noong April ay nagbigay-pugay si Ate Gay kay Nora Aunor sa burol nito sa Heritage Park, Taguig City. Ibinahagi ni Ate Gay ang malaking impluwensya ni Nora Aunor sa kanyang karera bilang komedyante at impersonator. Inalala ni Ate Gay ang kabutihan at suporta ng Superstar sa kanya sa loob ng tatlong dekada.

Samantalang noong 2022 ay pumanaw ang ina ni Ate Gay at dumulog ang komedyante sa Facebook upang magluksa. Aniya, palagi raw siyang sinasamahan ng kanyang nanay tuwing siya ay nagpe-perform. Naalala rin ni Ate Gay na palagi umanong iniiba ng kanyang ina ang istasyon kapag siya ay nakikinig dito. Ikininalungkot ng komedyante na ngayong wala na ang kanyang ina, wala nang magpapalit ng istasyon ng radyo.

Source: KAMI.com.gh