Katrina Halili at Kris Lawrence, nagdiwang ng 13th birthday ng anak na si Katie

Friday, September 19, 2025 at 2:08 PM

by Glory Mae Monserate

3 min read

Nagdiwang ng ika-13 kaarawan si Katie, anak nina Katrina Halili at Kris Lawrence
Parehong nagbigay ng touching birthday tribute ang singer at aktres sa kani-kanilang social media accounts
Pinuri ng mga netizens ang maayos na co-parenting relationship ng dating mag-partner
Sa kabila ng hiwalayan, nananatiling buo ang suporta nina Katrina at Kris para sa kanilang anak

PAY ATTENTION: stay informed and follow us on Google News!

Ipinagdiwang ng Kapuso actress na si Katrina Halili at singer na si Kris Lawrence ang ika-13 kaarawan ng kanilang anak na si Katie. Sa kabila ng kanilang paghihiwalay bilang mag-partner, pinatunayan ng dalawa na nananatiling buo at matibay ang kanilang suporta at pagmamahal para sa kanilang unica hija.

Katrina Halili at Kris Lawrence, nagdiwang ng 13th birthday ng anak na si Katie (📷Kris Lawrence/Facebook)
Source: Facebook

Sa Instagram, nagbigay si Kris Lawrence ng heartfelt tribute para sa anak. Kalakip ng isang sweet photo nilang mag-ama, isinulat ng singer: “Happy Birthday my kamukha! You are definitely one of my greatest blessings and my biggest inspiration.” Dagdag pa niya, tinawag niyang “lucky charm” si Katie at proud na proud sa paglaki nito. Aniya, “I’m so proud of the person you’re becoming, and no matter how big you grow, you’ll always be my little girl. Love you forever. Happy Birthday Katielabs.”

Read also

Vicki Belo, ipinasilip ang bonggang 'Crystal Villa' na binook ni Hayden Kho para sa anniversary nila

Umani ng maraming reaksyon mula sa netizens ang post ng singer, kung saan nagbigay din ng birthday greetings ang kanyang mga followers. Pinuri rin ng marami ang pagiging hands-on father ni Kris, kahit pa abala ito sa kanyang career sa musika.

Samantala, hindi rin nagpahuli si Katrina Halili sa pagbibigay ng kanyang mensahe para kay Katie. Sa kanyang Instagram post, ibinahagi ng aktres ang isang larawan kung saan naka-matching white tops sila ng anak, na nagpakita ng kanilang closeness. Sa kanyang caption, isinulat ni Katrina: “I love you forever Katie. Ang gift ni mama sayo, lahat ng oras ko, pagmamahal at palaging nasa tabi mo anak.”

PAY ATTENTION: Follow us on Instagram - get the most important news directly in your favourite app!

Maraming followers ang naantig sa mensahe ni Katrina at pinuri ang kanyang pagiging isang mapagmahal na ina. Patunay umano ito na sa kabila ng kanyang buhay sa showbiz, nananatiling prioridad ng aktres ang kanyang tungkulin bilang ina.

Ang co-parenting journey nina Katrina at Kris ay hindi naging madali noong una, ngunit makalipas ang ilang taon, matagumpay nilang napakita na posible ang maayos na relasyon para sa kapakanan ng kanilang anak. Dahil dito, mas lalo pang hinangaan si Katrina ng publiko bilang isang dedicated mom, at si Kris naman bilang isang proud dad na walang sawang sumusuporta sa paglaki ni Katie.

Read also

Claudine Barretto, nag-react sa breakup nina Julia Barretto at Gerald Anderson

Si Katrina Halili ay kilalang Kapuso actress na unang sumikat sa mga teleserye at pelikula, at kilala rin bilang isa sa mga versatile actresses ng GMA Network. Bukod sa kanyang career, madalas niyang ipakita sa social media ang kanyang journey bilang isang hands-on mother kay Katie.

Samantala, si Kris Lawrence ay isang Filipino-American singer na nanalo sa reality singing competition na Search for the Star in a Million. Bukod sa kanyang career bilang performer, kilala rin siya bilang isang proud and loving father kay Katie, na madalas niyang ibahagi sa kanyang mga social media posts.

Kamakailan lamang, nagkaroon ng usapin tungkol sa paghingi ng tulong ni Katrina sa publiko kaugnay sa kanyang anak. Sa ulat ng KAMI, humingi ng pag-unawa si Katrina sa publiko at nakiusap na huwag idamay si Katie sa mga isyu. Aniya, “Maawa kayo sa akin, sa bata.” Pinatunayan nitong inuuna pa rin ng aktres ang kapakanan ng anak bago ang lahat.