Derek Ramsay, umalma sa fake news tungkol kay Ellen Adarna at sa anak nila

Derek Ramsay, umalma sa fake news tungkol kay Ellen Adarna at sa anak nila

  • Si Derek Ramsay ay hindi nakapagpigil at diretsahang nang-call out sa Instagram
  • Kamakailan kasi ay napansin ng aktor ang isang fake news tungkol sa pamilya niya
  • Aniya Derek, dapat daw ay itigil na ng mga ito ang pagkakalat ng "lies" tungkol sa kanila
  • Hindi ito ang unang pagkakataon na nag-viral ang isang celebrity sa pangca-call out nila

MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!

Si Derek Ramsay, isang kilalang aktor, ay hindi nakapagpigil at diretsahang sinupalpal ang isang Facebook page matapos nitong magpakalat ng pekeng balita laban sa kanyang asawa at anak.

Derek Ramsay, umalma sa fake news tungkol kay Ellen Adarna at sa anak nila
Photos: @ramsayderek07, @maria.elena.adarna on Instagram
Source: Instagram

Sa kanyang opisyal na Instagram page, ibinahagi ni Derek ang screenshot ng post mula sa naturang page na naglabas umano ng isyu tungkol sa kanyang asawa na si Ellen Adarna at pati na rin sa kanilang anak na si Liana. Ayon sa post ng pekeng balita galing sa page na ito, "Hala! Negative ang DNA Test! Derek Ramsay, nilabas ang DNA Test result ng anak kay Ellen Adarna."

Read also

32-anyos na babae, natagpuan ang ina na nawalay sa kanya ng 30 taon dahil sa isang livestream

Dahil dito, agad na tinawag ni Derek na kasinungalingan ang naturang paratang at mariing ipinagtanggol ang kanyang pamilya mula sa fake news. Sa kanyang viral Instagram story, iginiit ng aktor ang katotohanan at sinabing: "Stop spreading lies about my family! Lily is my daughter and Ellen is a loyal wife! I don't know how you can sleep at night spreading lies like this!"

Like and share our Facebook posts to support the KAMI team! Share your thoughts in the comments. We love reading them!

Hindi ito ang unang pagkakataon na isang artista ang napilitang manindigan laban sa pekeng balita sa social media. Kamakailan, ang mga Kapuso stars na sina Pokwang at Carla Abellana ay nagsalita rin laban sa maling impormasyon na kumalat tungkol sa kanila sa social media sites.

Sa Threads, sinupalpal ni Pokwang ang isang pekeng conversation tungkol umano sa kanya, kay Pauleen Luna, at kay Vic Sotto. Samantala, nagbanta naman si Carla na magsasampa ng libel matapos kumalat ang pekeng balita tungkol sa kanya at sa dating asawang si Tom Rodriguez.

Read also

Source, nilinaw ang isyu ng hiwalayan nina Derek at Ellen: “Pakisabi hindi totoo”

Derek Ramsay, umalma sa fake news tungkol kay Ellen Adarna at sa anak nila
Screenshot mula sa Instagram ni @ramsayderek07
Source: Instagram

Si Derek Ramsay ay isang British-Filipino aktor, modelo, at TV host na sumikat sa Pilipinas. Nakilala siya bilang isa sa mga hinahangad na leading man sa telebisyon at pelikula sa pamamagitan ng mga proyekto tulad ng No Other Woman at English Only, Please. Kilala rin si Derek sa kanyang pagiging athletic. Bukod pa rito, siya rin ay isang iginagalang na endorser at negosyante. Samantala, sa kanyang personal naman na buhay, ikinasal siya kay Ellen Adarna noong November 2021, at noong 2024 ay isinilang na nga ng aktres ang kanilang unang anak.

Sa nakaraang ulat ng KAMI ay nag-viral si Derek Ramsay dahil sa kanyang online post. Noong Tuesday, August 26, nag-post si Derek sa Instagram ng video kung saan makikitang umiiyak siya. Sa caption, sinabi ni Derek na pakiramdam niya ay nabigo siya sa partikular na sandaling iyon. Dahil dito, maraming netizens ang nag-iwan ng komento at reaksyon sa kanyang viral post.

Read also

"Mama na OA" na video nina Jennica at Jean Garcia, pumalo ng 11M views

Samantalang maraming puso ang pinaantig ni Derek Ramsay dahil sa kanyang pinakabagong online post. Sa Instagram, ipinakita ni Derek sa kanyang followers ang naging selebrasyon ng kaarawan ng kanyang ama. Kasama ng post ay isang emosyonal at taos-pusong birthday message. Hindi na nakapagtataka na maraming netizens ang na-touch sa post ni Derek.

Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!

Source: KAMI.com.gh

Authors:
Chris Franco avatar

Chris Franco