Kris Aquino, emosyonal sa kondisyon ng panganay habang siya’y may sakit: “Kuya is traumatized"

• Ibinahagi ni Kris Aquino ang dahilan kung bakit pansamantalang malayo sa kanya si Josh
• Sinabi ni Kris na naapektuhan si Josh sa nakikita niyang panghihina ng ina
• Si Bimby ang nagsasakripisyo para maalagaan siya sa araw-araw
• Humiling si Kris ng panalangin para sa mga darating na test at treatment

Tila hindi lang si Kris Aquino ang nahihirapan sa kalagayan ng kanyang kalusugan, kundi pati ang kanyang pamilya, lalo na ang mga anak niyang sina Josh at Bimby. Sa kanyang pinakabagong Instagram post nitong Lunes, Agosto 11, ibinahagi ng Queen of All Media ang emosyonal na dahilan kung bakit hindi kasama si Josh sa kanyang bagong video update.

Matapos ianunsiyo ang kanyang planong lumipat sa Tarlac mula sa isang private resort na tinuluyan niya nang halos dalawang buwan, nilinaw ni Kris na pansamantalang naninirahan si Josh sa piling ng isang kamag-anak. “Where is kuya? Since the deaths of his Lola Cory, Lola P, and tito Noy, seeing me frail, weak, often attached to my IV drip—kuya is traumatized, visibly shaking, repeating ‘mama get well, i love you…’ For now he’s living with my genuinely super loving cousin,” ayon kay Kris.

Read also

Kyle Echarri, sinagot ang tsismis tungkol sa kanila ni Piolo Pascual

Samantala, si Bimby na ngayon ay 18 taong gulang ay nananatili sa tabi ng ina para personal siyang alagaan. Malinaw kay Kris kung gaano kalaki ang ginagampanang papel ng bunso sa kanyang araw-araw. “He is heaven’s gift, my optimistic adult who reminds me I should never surrender,” pahayag niya.

Hindi ito ang unang pagkakataon na ipinahayag ni Kris ang kanyang pasasalamat sa pagmamahal at suporta ni Bimby. Noong Marso, nagbahagi siya ng post kung saan sinabi niyang tinitiis niya ang lahat ng sakit na dala ng kanyang kondisyon dahil walang katumbas ang pagmamahal ng isang anak.

Sa kabila ng pinagdadaanan, nananatiling matatag ang kalooban ni Kris. Gayunpaman, inamin niya na may mga gabing mahirap para sa kanya na matulog dahil sa takot na baka hindi na siya magising kinabukasan. Sa huli, umapela siya sa publiko para sa panalangin sa mga nalalapit na test at treatment na kanyang sasailalim.

Si Kristina Bernadette Cojuangco Aquino, o mas kilala bilang Kris Aquino, ay isang aktres, TV host, at tinaguriang Queen of All Media sa Pilipinas. Anak siya ng dating Pangulong Corazon Aquino at Senador Benigno Aquino Jr., at kapatid ng yumaong dating Pangulong Benigno “Noynoy” Aquino III. Kilala si Kris sa pagiging prangka at bukas sa kanyang personal na buhay, kabilang ang kanyang laban sa seryosong karamdaman nitong mga nakaraang taon.

Read also

Bela Padilla, nagsalita tungkol sa breakup nila ng Swiss-Italian boyfriend na si Norman Ben Bay

Kamakailan, ibinahagi ni Kris Aquino na lumipat siya ng tirahan para mas maging maayos ang kanyang gamutan. Inilahad niya rin ang ilang update sa kanyang kondisyon, kabilang ang mga pagsubok at gamutang kanyang pinagdadaanan. Sa kabila ng sakit, pinipilit niyang manatiling positibo para sa kanyang pamilya.

Sa isa pang update, sinabi ni Kris na kailangan niyang gumawa ng matapang na desisyon para sa kanyang kalusugan. Hindi na niya tinukoy ang detalye ngunit malinaw na ito’y may kaugnayan sa kanyang treatment plan. Humiling siya ng patuloy na panalangin mula sa publiko habang tinatahak ang mahirap na landas ng paggaling.

Source: KAMI.com.gh