Rufa Mae Quinto, may bagong tribute sa yumaong mister niya na si Trevor Magallanes

• Naglabas naman ng panibagong tribute si Rufa Mae Quinto sa social media
• Ang tribute na ito ay tungkol sa pagiging hands-on na daddy ni Trevor Magallanes
• Sa Instagram, nag-post si Rufa ng maraming pictures nina Trevor at Athena
• Kalakip nito ay ang isang taos-pusong note mula kay Athena na nagpaantig online

Naglabas ng bagong tribute si Rufa Mae Quinto, isang kilalang aktres sa Pilipinas, para sa kanyang yumaong asawa na si Trevor Magallanes. Nitong Monday, August 4, ibinahagi ni Rufa Mae sa kanyang Instagram ang serye ng mga larawan nina Trevor at ng kanilang anak na si Athena sa paglipas ng mga taon, bagay na nagpaantig sa puso ng maraming netizens online.

Kalakip ng mga larawan na ito ay ang isang maikli ngunit taos-pusong mensahe mula kay Athena na nagsabing, "The love string will last forever! Thank you Daddy! Mahal kita -Athena."

Umani ng matinding simpatya at suporta ang post mula sa netizens at pati na rin sa mga celebs. Isa sa mga nagpahayag ng pakikiramay ay si Ruffa Gutierrez, na nagkomento ng, "Sending you both love and light, Athena & @rufamaequinto. Nandito lang kaming nagmamahal sayo." Nagpahayag din ng pakikiramay si Nathalie Hart at sinabing, "My deepest condolences. May you find strength through this difficult time. May God bless and comfort you, @rufamaequinto."

Read also

Netizens, napaisip kung pano napapayag ni Alex Gonzaga ang kanyang pamilya sa 'Barbie' trend

Matatandaang naging sentro rin ng balita kamakailan si Rufa Mae matapos siyang manawagan sa publiko na igalang ang kanilang privacy. Sa kanyang naunang post sa Facebook, hiniling ni Rufa Mae na huwag gawing "content" sa social media ang pagpanaw ng kanyang asawa.

"As the wife of Trev, all information surrounding his passing will come from me. Ang lahat ng detalye ay maaari ko lang maibigay sa tamang oras," ani ng aktres sa kanyang pahayag sa FB.

Ang mga emosyonal na mensahe at litrato ay patunay ng pagmamahalan at alaala na iniwan ni Trevor para kina Rufa Mae at Athena. Patuloy na bumubuhos ang dasal at suporta mula sa publiko para sa mag-ina sa panahon ng pagluluksa sa gitna ng pagpanaw ni Trevor ngayong taon.

Swipe left para makita ang iba pang pictures:

Si Rufa Mae Quinto ay isang kilalang Filipina aktres at komedyante. Kilala siya sa kanyang campy na humor at natatanging istilo sa pagpapatawa, na naging dahilan upang maging mahalagang personalidad siya sa kulturang pop ng Pilipinas. Nagsimula ang kanyang karera sa showbiz noong 1996 sa variety show na That's Entertainment. Sa takbo ng kanyang karera, naging bahagi siya ng maraming matagumpay na pelikula. Sa kanyang personal na buhay, ikinasal siya kay Trevor Magallanes noong 2016 at biniyayaan sila ng anak na babae na si Athena noong 2017.

Read also

Anak ni Ai-Ai Delas Alas, nag-react sa pasabog na red carpet walk niya sa GMA Gala

Sa nakaraang ulat ng KAMI ay nagsalita si Rufa Mae Quinto upang linawin ang kanyang marital status kasunod ng pagpanaw ni Trevor Magallanes. Sa isang post, inihayag ni Rufa Mae na sila ni Trevor ay legal pang kasal sa panahon ng pagpanaw nito. Kumpirmado rin niyang siya ngayon ay isang widow at ibinahagi ang patuloy niyang pagdadalamhati sa gitna ng pagpanaw ng mister.

Samantalang noong December 2024, nagbahagi si Rufa Mae Quinto ng isang nakaaantig na throwback photo sa kanyang Instagram. Ipinakita sa litrato ang masayang alaala nila ng kanyang yumaong ama. Kalakip ng larawan, isinulat ni Rufa Mae ang isang maikli ngunit taos-pusong caption na tumimo sa damdamin ng maraming netizen, lalo na sa kanyang mga fans.

Source: KAMI.com.gh