Maggie, walang nang galit sa ex: 'Life's too short for grudges'

• Sinabi ni Maggie Wilson sa isang Q&A sa Instagram na masaya na siya sa kabila ng mga pinagdaanan
• Inamin niyang minsan ay nakararamdam pa rin siya ng lungkot at guilt kahit masaya na siya ngayon
• Nilinaw rin niya na wala na siyang galit kina Victor Consunji at Rachel Carrasco at nais niyang maging maayos ang lahat lalo na para sa mga bata
• Patuloy pa rin siyang nagbibigay ng updates sa kanyang buhay at paninindigan para sa divorce sa Pilipinas

Matapos ang halos apat na taon mula sa hiwalayan nila ng dating asawa, muling nagbukas ng damdamin si Maggie Wilson sa isang Instagram Q&A kung saan diretsahan siyang tinanong ng isang fan: "How are you now, Ms. Maggie? As in, like be honest."

Hindi nagpatumpik-tumpik si Maggie sa sagot: "It's a strange thing to feel both sadness and joy at the same time... I'm in a really good place right now."

Read also

61-anyos na lalaki, namatay matapos higupin ng MRI machine

Sa sunod-sunod na kwento sa kanyang Instagram Stories, inilahad ng dating beauty queen at TV host na bagama’t dama pa rin niya minsan ang guilt sa kanyang kasiyahan, pinipili niyang magpasalamat sa mga bagong oportunidad sa kanyang buhay. "Sometimes I catch myself feeling guilty for being genuinely happy... but the truth is, I'm truly excited and grateful for new opportunities unfolding in my life," aniya.

Noong 2021, kinumpirma ng publiko ang paghihiwalay nina Maggie at Victor Consunji matapos ang 11 taong pagsasama. Naging usap-usapan ang kanilang split dahil na rin sa mga isinampang adultery case laban kay Maggie at sa kanyang business partner na si Tim Connor. Kasabay nito, pansamantala rin siyang nahiwalay sa kanilang anak na si Connor, na naging sentro ng kanyang madamdaming mga mensahe online.

Ngayon, ilang taon matapos ang ingay ng kanilang breakup, hindi na nagdadala ng hinanakit si Maggie. Sa isa pang sagot sa fan na nagtatanong kung galit pa ba siya kina Consunji at sa partner nito ngayon, si Rachel Carrasco, tapat niyang sagot: "No. I genuinely want the best for everyone, especially the kids. I just wish the same could be said in return." At may dagdag pa siyang witty na hugot: “Life's too short for grudges… and frankly, bitterness is terrible for your skin.”

Read also

Angelica Panganiban, may nakakaaliw na reaksyon sa Japan pics ni Glaiza de Castro: "Di masakit?"

Sa kabila ng kanyang kasalukuyang estado, inamin rin ni Maggie sa isang makeup video noong Hunyo na siya ay "still technically married", ngunit may pa-clever remark din siyang iniwan: “But let's be real. This face? Very much available.” Bukod sa pagiging open sa status ng kanyang personal life, naninindigan din siya sa kanyang panawagan para sa legalisasyon ng divorce sa Pilipinas — isang bagay na ayon sa kanya ay overdue na.

Si Maggie Wilson ay isang kilalang personalidad sa mundo ng beauty pageants, hosting, at business. Naging Miss Philippines World siya noong 2007 at mula noon ay naging aktibo sa entertainment at lifestyle scene. Bukod sa kanyang public life, siya rin ay aktibong nagsusulong ng mga karapatan ng kababaihan at ina, at ngayon ay nakatutok sa kanyang negosyo at advocacy work.

Sa isang artikulo mula sa Kami.com.ph, ibinahagi ng TV host na si Marc Nelson ang isang makabagbag-damdaming kwento ng pagkikita nila ng anak nina Maggie at Victor. Ikinuwento ni Marc ang inosente at maikli nilang usapan, kung saan tinanong siya ng bata kung siya ang kaibigan ng kanyang mommy. Ang simpleng sandaling ito ay lalong nagpatampok sa sitwasyon ng ina at anak.

Read also

Sharon Cuneta, binalikan ang pag-interview niya sa 'F4' star na si Vic Chou

Samantala, umani ng suporta mula sa netizens si Maggie matapos ang kanyang taos-pusong reflection tungkol sa pagiging ina. Sa kanyang post, inamin niyang may mga gabing umiiyak siya dahil sa pagkakahiwalay sa kanyang anak. Ngunit sa kabila nito, patuloy ang kanyang panalangin na “one day I'll get to hold you again.” Ang raw at tapat na mensahe niya ay nagbigay-inspirasyon sa maraming ina na dumaranas ng parehong sitwasyon.

Source: KAMI.com.gh