KC Concepcion, napa-"mine" sa bagong post ni Sharon Cuneta; Mega, nag-react

• Si KC Concepcion ay naging sentro muli ng usapan sa social media
• Kamakailan ay nag-react kasi si KC sa bagong kinahihiligan ng kanyang ina
• Nang makita ang handcrafted item ni Megastar para kay Karmina Constantino, talagang napa-"MINE" agad si KC
• Agad naman itong napansin ng Megastar na siya ring may nakakaaliw na komento para sa kanyang panganay na anak

Si KC Concepcion, isang kilalang aktres at singer, ay muling naging sentro ng usapan online matapos mag-react sa bagong post ng kanyang ina, ang Megastar na si Sharon Cuneta, tungkol sa isang handcrafted candle na ginawa nito para sa broadcast journalist na si Karmina Constantino.

Noong Thursday, July 17, ibinahagi ni Sharon sa Instagram ang isang video ng kandilang siya mismo ang gumawa. Ayon sa caption ni Sharon sa kanyang post, "She wanted a candle with a Chamomile scent. I made her three candles with different Chamomile formulas, and this was our favorite! I work on my candles all alone. Every candle, guaranteed poured by only ME!"

Maraming netizens ang humanga sa bagong kinahihiligan ng Megastar, ngunit mas lalong napansin at ikinatuwa ng marami ang sweet na palitan nila ng kanyang anak na si KC.

Nang makita ang post, agad na nag-comment si KC sa Instagram: "MINEEEE", na agad namang sinagot ni Sharon ng, "ALL scents YOURS! Will pour them all ASAP for you, baby. Just busy working pa! I love you, @kristinaconcepcion." Hindi rin nagpahuli si KC at muling nag-reply ng, "Hahaha MINE MINE MINE! How much for all? I miss you, I love you, please date me."

Maraming netizens ang naantig at natuwa sa kulitan at pagmamahalan ng mag-ina. Patunay ito ng malapit na ugnayan nila KC at Sharon, kahit parehong abala sa kani-kanilang mga proyekto.

Panoorin ang video sa ibaba:

Si KC Concepcion ay isang multi-talented na personalidad sa showbiz na gumanap bilang aktres, singer, TV host, modelo, at negosyante. Anak siya nina Gabby Concepcion at Sharon Cuneta, na parehas na beteranong artista sa entertainment industry. Bilang aktres, naging bida siya sa mga sikat na pelikula tulad ng For the First Time at When I Met U, at sa mga teleserye tulad ng Lovers in Paris at Ikaw Lamang. Bukod pa rito, kilala rin siya sa kanyang advocacy bilang Filipino Goodwill Ambassador ng UN World Food Programme at ambassador ng WWF–Philippines.

Sa nakaraang ulat ng KAMI ay ibinahagi ni KC Concepcion ang isang masayang araw na kasama ang kanyang pamilya, kabilang na ang isang Pilates session kasama ang kanyang lola na si Mita Mimi, at tanghalian kasama ang pinsan ng kanyang ina na si Erika. Bukod pa rito ay nilagyan niya rin ng caption ang kanyang post ng, "Stay close to the ones who feel like sunshine."

Samantalang noong March, ibinahagi ni Sharon Cuneta ang tinawag niyang "major highlight." Nag-post siya ng mga larawan ng isang jewelry na siya mismo ang nag-design para sa Megastar. Sa kanyang post, isinama rin ni KC ang isang larawang suot ng kanyang ina, si Sharon Cuneta, ang nasabing alahas. Hindi maikakaila, marami ang talagang humanga sa galing ni KC.

Source: KAMI.com.gh