Matet de Leon, binalikan ng mga bashers sa live-selling niya: "Nagtatanong kung kailan ako iiyak"

• Si Matet de Leon ay muling naging sentro ng usap-usapan sa social media
• Sa Threads, may ibinunyag si Matet tungkol sa kanyang bagong live-selling
• Aniya Matet, bumalik daw ang ilang mga bashers at nag-iwan ng mga comments
• Gayunpaman, nanatiling matatag si Matet at sinabing di siya gaanong "na-damage"

Si Matet de Leon, isang kilalang Filipina actress, ay muling naging sentro ng usapan online matapos niyang ibunyag na bumalik ang ilang mga bashers sa kanyang bagong live-selling.

Sa kanyang Threads account sa Instagram, nagbahagi si Matet ng dalawang mensahe patungkol sa naranasan niyang pambabastos muli sa ilang mga netizens habang siya ay nagla-live-selling.

Sa kanyang unang post, isiniwalat ni Matet ang pangungutya sa kanya ng mga bashers habang siya ay nagla-live selling. Aniya, may tanong pa nga raw ang mga ito, "Nagla-live ako kanina... may mga bastos pa rin talagang nagtatanong kung kailan ako iiyak during the live. Hindi ko maibalik sa kanila ginagawa nila eh. Di kaya ng konsensya ko. Mga tao nga naman talaga oo..."

Ipinakita ng aktres na sa kabila ng hindi kanais-nais na komento, pinili pa rin niyang wag na lamang itong pansinin. Isang patunay lamang ito ng kanyang lakas ng loob at respeto sa sarili.

Sa kanyang ikalawang post, iginiit ni Matet na hindi siya naapektuhan sa masamang intensyon ng mga bashers, "Hindi naman nila ko na-damage kanina. Ayoko ng ganung klase ng atensyon."

Matatandaang naging usap-usapan dati si Matet matapos siyang maiyak sa isa sa kanyang mga live-selling videos, kung saan tinanong siya ng ilang viewers kung bakit wala siyang proyekto.

Kasunod ng viral video na ito, naglabas si Matet ng isang follow-up video upang ipaliwanag ang tunay na dahilan ng kanyang pagluha. Sa kabila ng mga ganitong pagsubok, nananatiling matatag si Matet at patuloy na nagbibigay ng inspirasyon sa kanyang mga fans at followers.

Si Matet de Leon ay isang beteranang aktres sa Pilipinas na nagsimula bilang child star noong dekada '80. Lumaki ang kanyang karera sa pagganap sa pelikulang Bunsong Kerubin at nagpatuloy sa pag-arte sa mga drama at romance films at telebisyon. Anak sa pag-aampon nina Superstar Nora Aunor at aktor na si Christopher de Leon, si Matet ay patuloy na tumatatak sa mga teleserye tulad ng Sa Dulo ng Walang Hanggan, The Legal Wife, at FPJ's Ang Probinsyano. Bukod sa kanyang talento sa pag-arte, si Matet ay isa ring bukas na tagapagsulong ng mental health awareness sa publiko, matapos niyang ideklara na may bipolar disorder noong 2022.

Sa nakaraang ulat ng KAMI ay nag-viral si Matet de Leon sa social media dahil sa kanyang latest post. Kamakailan ay ibinahagi ni Matet sa Instagram ang isang video ni Nora Aunor. Sa nasabing video, makikita ang pahayag ni Nora sa pagiging ina kay Matet. Naantig talaga ang puso ng marami sa caption naman ni Matet tungkol sa video na ito tungkol sa kanyang mommy.

Samantalang noong April ay dumaan si Matet de Leon sa social media upang ipahayag ang kanyang taos-pusong pasasalamat sa kanyang anak. Kamakailan, nag-post si Mishka, anak ni Matet, ng isang madamdaming tribute para sa kanyang lola na si Nora Aunor. Matapos nito, ni-repost ni Matet ang tribute ni Mishka sa kanyang Instagram stories kalakip ang isang mensahe.

Source: KAMI.com.gh