Ex ni Jackie na si Tom Doromal, viral sa 'Daddy Duties' post

• Nag-post si Tom Doromal sa Instagram ng larawang kasama ang isang sanggol sa stroller, kalakip ang caption na “Daddy duties,” na agad na naging viral at usap-usapan online
• Iba-iba ang naging reaksyon ng netizens—may mga bumati agad kay Tom, samantalang ang ilan ay nagtanong kung sino ang sanggol at kung ano ang tunay na konteksto ng larawan
• Muling naungkat ang hiwalayan nila ni Jackie Gonzaga matapos may mga netizens na nag-ugnay sa kanyang post sa isyung iyon, kahit walang direktang pahiwatig mula kay Tom
• Wala pang opisyal na pahayag ang Hashtag member ukol sa naturang post kaya marami ang nananatiling nakaabang sa susunod na update sa kanyang social media

Nagulat ang maraming netizens matapos mag-post ng bagong larawan si Tom Doromal sa kanyang Instagram na tila may bagong “role” siya sa buhay. Sa nasabing post, makikita siyang tulak-tulak ang isang stroller na may kasamang sanggol. Mas naging intriguing ang post dahil may caption itong “Daddy duties,” dahilan para agad na mapuno ng tanong, hula, at pagbati ang comment section.

Marami sa mga tagahanga ng Hashtag member ang agad nagpadala ng congratulatory messages, tila tanggap agad ang ideya na may bagong yugto sa buhay si Tom. Ngunit hindi rin nagpahuli ang ilang netizens na nagtanong kung sino ang sanggol, at kung may kaugnayan ba ito sa personal na buhay ng dancer-actor.

Hindi rin kasi malinaw kung kanino ang baby sa stroller—wala ring binanggit si Tom kung siya nga ba ang ama o kung ito'y pamangkin, anak ng kaibigan, o bahagi lang ng content o photoshoot.

Bago pa man ang “Daddy duties” post, may isa pang larawan si Tom na shirtless habang may karga-kargang aso—na mukhang bago niyang alaga. Kaya ang ilan, ang teorya: baka "fur daddy" lang ito o simpleng biro para makuha ang atensyon ng netizens.

Sa ngayon, wala pang opisyal na pahayag mula kay Tom kung ano nga ba ang buong kwento sa likod ng kanyang caption. Pero ang sigurado, marami ang nakaabang sa kanyang susunod na post.

Si Tom Doromal ay miyembro ng all-male dance group na Hashtags, na regular na napapanood noon sa It’s Showtime. Isa siya sa mga kilalang miyembro ng grupo at naging bahagi ng ilang teleserye at variety shows. Nakilala rin siya sa social media dahil sa naging relasyon niya kay Jackie Gonzaga, na tinutukan ng maraming fans online.

Noong 2019, naging usap-usapan ang emosyonal na moments ni Jackie Gonzaga sa It’s Showtime, kung saan tila hindi niya mapigilang maging emosyonal onstage. Kasabay nito ay lumutang ang isyu ng pagkalabuan nila ni Tom Doromal. Sa isang panayam, nilinaw ni Tom na minahal niya si Jackie at ayaw niyang gawing pampubliko ang mga personal nilang isyu.

Matapos ang kontrobersiya sa kanila ni Tom Doromal, muling nasilayan si Jackie Gonzaga sa mga masaya at sweet na larawan kasama si Tom Rodriguez. Makikitang blooming si Jackie sa kanyang mga posts, at maraming netizens ang natuwa para sa kanya, na tila nakahanap na ng bagong inspirasyon.

Source: KAMI.com.gh