Janine Gutierrez, nagsalita tungkol sa magkasunod na pagpanaw ng kanyang mga lola

-Namatayan si Janine Gutierrez ng dalawang mahal na lola sa loob ng sampung araw

-Pumanaw si Pilita Corrales noong Abril 12 at si Nora Aunor naman ay sumakabilang-buhay noong Abril 16

-Nagpasalamat si Janine sa suporta at pagmamahal na natanggap ng kanilang pamilya

-Pinili ng aktres na manatili sa bahay ngayong Holy Week sa halip na magbakasyon

Matinding dagok sa pamilya ni Janine Gutierrez ang sunod-sunod na pagpanaw ng kanyang dalawang mahal na lola—Asia’s Queen of Songs Pilita Corrales at Superstar Nora Aunor. Sa loob lamang ng halos isang linggo, dalawang haligi ng kanilang pamilya ang sabay na inihatid sa kanilang huling hantungan.

Sa isang mensahe na ibinahagi ni Janine sa kanyang broadcast channel, inilahad niya ang lungkot na nararamdaman ng kanilang pamilya. “It’s the first time in 10 days that I’m not at a wake. This Holy Week, my siblings and I lost two lolas, mama and papa’s mothers,” pahayag ng Kapamilya actress.

Ayon kay Janine, katatapos lang umano ng burol ng kanyang Mamita na si Pilita Corrales noong hapon ng Abril 16, ngunit kinailangan ulit nilang tumawag sa chapel ng 10 ng gabi para sa panibagong silid burol—dahil sa pagpanaw naman ng kanilang Mama Guy, si Nora Aunor.

Bagama’t masakit at mahirap ang pinagdaraanan, ibinahagi ni Janine na labis silang nagpapasalamat sa pagmamahal at simpatya ng mga kaibigan at tagasuporta. “I think of my two new angels and how they always powered through. I think of how I can continuously make them proud,” dagdag niya. Aniya, kahit masalimuot ang mga huling araw ng kanilang Holy Week, nahanap niya ang lakas mula sa alaala ng dalawang dakilang babae sa kanilang buhay.

Sa kabila ng matinding lungkot, muling bumalik sa trabaho si Janine. Buo ang kanyang loob na ipagpatuloy ang kanyang karera bilang paraan ng pag-alala at pagbibigay-pugay sa mga naiambag ng kanyang mga lola sa industriya ng musika at pelikula.

Si Pilita Corrales ay ina ng ama ni Janine na si Monching Gutierrez, habang si Nora Aunor ay ina ng kanyang inang si Lotlot de Leon. Parehong kinikilalang haligi sa kani-kanilang larangan, si Pilita bilang tinig ng Asya, at si Nora bilang Superstar ng pelikulang Pilipino.

Si Janine Gutierrez ay isang multi-awarded na aktres at TV host sa ilalim ng ABS-CBN. Nagmula siya sa isang prominenteng angkan ng mga artista—anak nina Lotlot de Leon at Ramon Christopher Gutierrez, at apo nina Pilita Corrales at Nora Aunor. Kilala siya sa kanyang mahusay na pagganap sa mga teleserye at pelikula, pati na rin sa kanyang makabuluhang paninindigan sa mga isyung panlipunan.

Jericho Rosales, kinumpirma ang relasyon nila ni Janine Gutierrez sa burol ni Pilita Corrales. Kinumpirma ni Jericho Rosales sa burol ni Pilita Corrales ang relasyon nila ni Janine Gutierrez. Ipinakita ng aktor ang kanyang suporta sa aktres sa gitna ng pinagdaraanan nito.

Nagpaabot ng pakikiramay ang mga kilalang personalidad kina Janine Gutierrez at sa kanyang pamilya sa pagpanaw ng kanyang mga lola. Kabilang sa mga nagbigay ng mensahe sina Isabelle Daza at Pinky Amador, na nagpahayag ng kanilang suporta at simpatya sa aktres sa gitna ng kanyang pagluluksa.

Source: KAMI.com.gh