Dominic Roque, ibinida ang 'first Baguio big bike ride' ni Sue Ramirez

Sunday, April 13, 2025 at 9:10 PM by Glory Mae Monserate 3 min read

- Ibinahagi ni Dominic Roque sa Instagram ang video ng kanilang big bike ride sa Baguio

- Suot ng magkasintahan ang kanilang motorcycle gear habang si Dominic ang nagmamaneho

- Sinabi ni Dominic na ito ang unang big bike ride ni Sue sa Baguio at nagpasalamat si Sue sa kanya sa komento

- Matatandaang lumutang ang balitang may relasyon sila matapos kumalat ang video nila sa Siargao

MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!

Masayang ibinahagi ng aktor na si Dominic Roque sa kanyang Instagram account ang isang reel kung saan makikitang magkasama silang nagbig bike ride ng aktres na si Sue Ramirez habang nililibot ang malamig na lungsod ng Baguio. Sa video, parehong naka-motorcycle gear ang dalawa habang si Dominic ang nagmamaneho ng big bike at si Sue naman ay nakaangkas sa likuran.

Dominic Roque, ibinida ang 'first Baguio big bike ride' ni Sue Ramirez (📷@sueannedoodles, @dominicroque/Instagram)
Source: Instagram

May caption ang post na, “Her first Baguio big bike ride!” na agad namang sinagot ni Sue sa comment section ng, “Thank you for keeping me safe.”

Read also

Marjorie Barretto, nilinaw ang tungkol sa usapin tungkol sa paghatid kay Claudia sa altar

Ang video ay agad na umani ng atensyon sa social media, lalo na sa mga tagahanga ng dalawa na mas lalong kinilig sa kumpirmadong relasyon nila. Ito na rin ang pinakabagong update mula sa magkasintahan matapos ang kanilang official “hard launch” bilang couple sa ABS-CBN Ball ngayong buwan.

Matagal nang umiikot ang espekulasyon tungkol sa tunay na estado ng kanilang relasyon, lalo na noong nag-viral ang isang video sa Siargao kung saan tila hinalikan ni Sue si Dominic. Noong Enero ngayong taon, unang lumitaw sa Instagram ni Dominic ang isang litrato nila ni Sue na magkasama, na siyang naging unang pahiwatig sa publiko tungkol sa kanilang ugnayan.

PAY ATTENTION: Follow us on Instagram - get the most important news directly in your favourite app!

Ang kanilang paglalakbay sa Baguio sa pamamagitan ng motorsiklo ay hindi lamang nagpapakita ng kanilang pagiging adventurous kundi pati na rin ng kanilang pagiging komportable at masaya sa isa’t isa.

Hindi rin maiiwasang ikumpara ng netizens ang mga bagong kaganapan sa personal na buhay ng dalawa sa kanilang mga dating relasyon. Si Dominic ay naging engaged kay Bea Alonzo noong 2023, ngunit kinumpirma ang kanilang hiwalayan noong 2024. Samantala, si Sue naman ay galing sa isang limang taong relasyon kay Mayor Javi Benitez ng Victorias City, Negros Occidental, na inamin nitong taon lamang ang kanilang paghihiwalay.

Read also

Mga taga-Minglanilla, Cebu, nabahala sa martsa ng mga nakaitim na Foreigners

Sa kabila ng mga naging heartbreaks nila sa nakaraan, kapansin-pansin na parehong masaya at tila naka-move on na sina Dominic at Sue. Marami sa kanilang followers ang nagpaabot ng suporta at masayang-masaya sa bagong yugto ng kanilang mga buhay.

Sa kasalukuyan, abala si Sue sa iba’t ibang proyekto sa telebisyon at pelikula, kabilang ang Netflix series na One Hit Wonder kung saan nakapareha niya si Khalil Ramos. Si Dominic naman ay aktibo pa rin sa mga proyekto sa Kapamilya network at kamakailan lamang ay nagpakita ng suporta kay Kathryn Bernardo matapos mapanood ang Hello, Love, Again.

Si Dominic Roque ay isang aktor at modelo na matagal nang bahagi ng ABS-CBN. Naging laman siya ng mga balita dahil sa kanyang relasyon kay Bea Alonzo. Samantala, si Sue Ramirez ay isa ring batikang aktres na kilala sa kanyang mga drama at rom-com roles sa Kapamilya shows at pelikula. Maliban sa pag-arte, kilala rin si Sue bilang isang mahusay na mang-aawit.