Rita Avila, rumesbak sa basher na tinawag siyang "matanda"

- Sinagot ni Rita Avila ang isang basher na tinawag siyang "matanda" at iginiit na masaya siya sa kanyang edad

- Ipinahayag ng aktres na ang pagtanda ay isang biyaya at hindi dapat ikahiya ng sinuman

- Maraming netizens ang sumang-ayon sa kanyang positibong pananaw at pinuri ang kanyang sagot

- Nag-iwan siya ng banat sa basher at sinabing maaaring matanda na rin ito

Hindi pinalampas ng beteranang aktres na si Rita Avila ang isang basher na tinawag siyang "matanda" sa social media. Sa halip na magpatangay sa pang-iinsulto, matapang niyang sinagot ito sa isang post na may positibong pananaw tungkol sa pagtanda.

"U OK? Siguro 30 ka lang na mukhang 16. Basta ako, 60. Di naman na talaga bata ang edad na ‘yun. May senior ID na ako, ang saya. Sana ikaw, tumanda nang masaya, malusog, at kontento," ani Rita sa kanyang post.

Kasabay nito, nagbigay rin siya ng makahulugang mensahe tungkol sa pagpapahalaga sa edad. Para sa kanya, ang pagtanda ay hindi isang bagay na dapat ikahiya kundi isang biyayang dapat ipagmalaki. Aniya, bawat guhit sa mukha at puting buhok ay may kwento ng pagsubok, tagumpay, at karunungan na hindi matutumbasan ng anumang materyal na bagay.

Read also

KaladKaren, nagbahagi ng pictures kasama ang asawa: "Look who followed me in Los Angeles"

Sa halip na mahiya sa kanyang edad, ipinagmamalaki ni Rita ang pagiging 60 at ang kasamang karanasan sa buhay. Sa dulo ng kanyang post, nag-iwan pa siya ng pasaring sa kanyang basher: "P.S. Ang nanlait ay matanda na din."

Maraming netizens ang pumuri sa positibong pananaw ni Rita, na nagbigay inspirasyon sa marami na yakapin ang kanilang edad nang may pagmamalaki at kasiyahan.

Si Rita Avila ay isang beteranang aktres sa Pilipinas na kilala sa kanyang husay sa pagganap sa pelikula at telebisyon. Sumikat siya noong late 80s at 90s sa mga teleserye at pelikula ng ABS-CBN at GMA Network. Ilan sa kanyang mga notable na proyekto ay ang Mula Sa Puso, Sa Dulo ng Walang Hanggan, at Sana Ay Ikaw Na Nga.

Bukod sa pagiging aktres, isa rin siyang manunulat ng mga inspirational books, kabilang ang The Invisible Wings. Siya ay kasal sa direktor na si FM Reyes. Sa kabila ng mga pagbabago sa industriya, nananatili siyang aktibo sa showbiz at patuloy na nagbibigay-inspirasyon sa kanyang mga tagahanga.

Read also

Kim Atienza, naakisdente: "Thank you Lord for my 4th life!"

Matapang na ibinahagi ni Rita Avila ang kanyang personal na kuwento ng pang-aabuso, kung saan isiniwalat niya ang isang mapait na nakaraan. Ikinuwento niya kung paano siya pinagsamantalahan ng isang direktor bago pa man siya maging isang ganap na aktres. Sa kabila ng masakit na karanasang ito, natagpuan ni Rita ang lakas ng loob at natutunan ang mahahalagang aral sa buhay. Sa pamamagitan ng kanyang pahayag, nais niyang magbigay ng inspirasyon sa iba upang magsalita at suportahan ang mga taong dumaan sa parehong pagsubok.

Isa si Rita Avila sa mga nagluluksa sa pagpanaw ng batikang aktres na si Gloria Romero. Ang tinaguriang Queen of Philippine Cinema ay pumanaw noong January 25, 2025. Matapos ang malungkot na balita, nagbahagi si Rita ng isang taos-pusong mensahe para kay Gloria sa pamamagitan ng Instagram Stories. Sa kanyang maikling mensahe, binigyang-diin niya ang mahalagang ambag at naiwanang pamana ng yumaong movie at TV icon.

Source: KAMI.com.gh