Barbie Imperial, pumalag sa 'third party' comment sa kanya

Sinagot ni Barbie Imperial ang akusasyon ng isang netizen na siya’y “third party” sa isang relasyon

Tinanong ni Imperial ang netizen kung saan nagmula ang akusasyon at iginiit na wala itong katotohanan

Nilinaw ni Richard Gutierrez na nagkakilala sila ni Imperial matapos ang paghihiwalay nila ni Sarah Lahbati

Patuloy ang proseso ng annulment nina Gutierrez at Lahbati habang magkasamang inaalagaan ang kanilang mga anak

Matapang na sinagot ng aktres na si Barbie Imperial ang isang netizen na nag-akusa sa kaniya bilang “third party” sa isang relasyon. Sa comments section ng kaniyang kamakailang Instagram post, binatikos siya ng nasabing netizen na tila sinusubukang ipahiya ang aktres nang walang tahasang binabanggit na relasyon.

“Anong klase ng babae ka? Hindi ko matanggap. Pinaka ayoko sa lahat is yung third party. Kahit saan mo tingnan, hindi pa annulled yung mag-asawa pero andyan ka na,” ani ng netizen.

Agad na rumesbak si Imperial at diretsahang sinabing, “Anong third party pinagsasabi mo?” Ipinagtanggol niya ang kaniyang sarili laban sa mapanirang komento.

Read also

Dawn Chang, nagsalita tungkol sa nakaalitang artista

Ang sagot ng aktres ay kasunod ng pahayag ng kaniyang rumored boyfriend na si Richard Gutierrez, na una nang nilinaw ang mga espekulasyon tungkol sa kanilang relasyon. Ayon kay Gutierrez, nagkakilala sila ni Imperial matapos ang paghihiwalay nila ng kaniyang asawang si Sarah Lahbati. “Hindi siya third party, hindi nag-overlap,” giit ni Gutierrez.

Nagsimula ang mga balitang romantikong koneksyon nina Imperial at Gutierrez noong Enero 2024, nang makita silang magkasama sa ilang pagkakataon. Samantala, nananatiling nasa proseso pa rin ang annulment ng kasal nina Gutierrez at Lahbati habang patuloy silang nagko-co-parent sa kanilang mga anak na sina Zion at Kai.

Sa kabila ng kontrobersiya, nananatiling tahimik si Imperial ukol sa tunay na estado ng kanilang relasyon ngunit malinaw ang kaniyang paninindigan na wala siyang kinalaman sa paghihiwalay ng mag-asawa.

Nakilala si Barbie Imperial matapos niyang sumali sa Pinoy Big Brother: 737 kung saan nakilala siya bilang "The Doll along the Riles of Albay." Pinsan siya nina Michelle at Marco Gumabao.

Read also

Softdrink Beauties, diretsahang sinagot ang tungkol sa isyu ng dating kasamang si Pepsi Paloma

Naging naging usap-usapan onlinesi Barbie kamakaila matapos niyang i-repost ang isang mahabang mensahe tungkol sa 'happiness habit.'

Hindi rin niya inatrasan ang komento ng isang basher sa kanyang post. Ang komento ng basher ay “Walang ibang magawang may kabuluhan?”

Source: KAMI.com.gh