Cristy kay Darryl Yap: "Ano ang motibo mo at sino ang producer mo?"

- Muling natalakay nina Cristy Fermin sa Showbiz Now Na! ang kontrobersyal na direktor na si Darryl Yap

- Ito ay matapos na tuluyan nang magsampa ng kaso ni Vic Sotto laban sa nasabing direktor

- Maraming naging katanungan si Cristy kaugnay sa bagong proyekto ni Darryl

- Sa ngayon, pinapalitan na umano ni Darryl ang pamagat ng pelikula ukol kay Pepsi Paloma

Muling naglabas ng saloobin si Cristy Fermin ukol sa bagong proyekto ni Darryl Yap patungkol kay Pepsi Paloma.

Matatandaang bukod sa pamagat nito, labis na naging usap-usapan teaser ng nasabing pelikula gayung nabanggit ang pangalan ni Vic Sotto.

"Kung para sa'yo ay tama ang ginawa mo, hindi na namin alam kung ano ang mali... At kung mali ito sa amin, hindi mo na rin alam kung ano ba ang tama," ani Cristy sa kontrobersyal na direktor.

"Wala naman daw siyang sinasabing masama. Wala naman daw siyang sinasabi at pinagbibintangan. Bakit mo inilabas yung clickbait? Ano ang hangarin mo? Anong adhikain mo? ano ang motibo mo at sino ang producer mo?"

Read also

Charo Santos, kinaaliwan sa kanyang binahaging BTS ng eksena nya sa Batang Quiapo

"Ano ang maipagmamalaki mo. Kapag maaalala ng mga tao na ganito ang ginagawa mo. Na pananapak, pagwawasak sa pagkatao ng kapwa mo. 'Yun ang napakahirap na sagutin. Sino pa ang magtitiwala sa yo?"

Narito ang kabuuan ng kanilang talakayan mula sa Showbiz Now Na YouTube channel:

Si Darryl Yap ay isa sa mga kilalang bagong direktor sa Pilipinas. Naging kontrobersyal siya dahil sa kanyang VinCentiments series at short films na may kakaibang atake sa pagtalakay sa iba't ibang isyu sa ating bansa.

Siya rin ang direktor ng pelikulang Maid in Malacañang na ipinalabas noong 2022 matapos halos ang presidential election.

Mabilis na naging usap-usapan ang bagong proyekto ni Darryl kung saan tampok umano ang buhay ng yumaong softdrinks beauty na si Pepsi Paloma. Lalo na nang sa teaser ng pelikula ay nabanggit ang pangalan ni Vic Sotto.

Source: KAMI.com.gh