Darryl Yap, may pahayag matapos ang reklamo ni Vic Sotto: "Pepsi— babalik tayo sa korte"

• Nag-post si Darryl Yap sa social media matapos ang pagsampa ng reklamo ni Vic Sotto laban sa pelikulang aniya ay hango sa tunay na nangyari kay Pepsi Paloma
• Binanggit niya ang karapatan ng sinuman na magsampa ng reklamo para sa paglilinaw ng katotohanan at katarungan
• Kalakip ng post ang screengrab mula sa teaser ng pelikula na nagpapakita ng kontrobersyal na subtitle na "oo"
• Idiniin ni Yap na babalik sila sa korte upang muling pag-usapan ang isyung kaugnay ni Pepsi Paloma

Matapos ang pagsasampa ng reklamo ni Vic Sotto laban sa kontrobersyal na pelikulang TROPP, nag-post ang direktor na si Darryl Yap sa social media upang ipahayag ang kanyang panig. Sa kanyang post, binigyang-diin niya ang karapatan ng bawat isa na maghabla para sa paglilinaw ng katotohanan.

“Kalayaan ng kahit sino ang magsampa ng reklamo, Walang may monopolyo sa katarungan, lalo na sa katotohanan,” bahagi ng mahabang mensahe ni Yap.

Kasama sa kanyang post ang screengrab mula sa teaser ng TROPP na may nakasaad na salitang “oo” sa subtitle. Ayon kay Yap, ito ay sagot sa mga tanong kaugnay ng isinampang reklamo ni Pepsi Paloma laban kay Vic Sotto noong dekada '80.

Read also

Sanya Lopez, nagshare ng cryptic post sa kanyang IG story

Binanggit din ng direktor ang mga lumang lathalain, naburang video, at mga dyaryo na umano’y patunay ng mga isyung bumalot kay Pepsi Paloma noon. Sa pagtatapos ng kanyang post, idiniin niya na babalik sila sa korte upang muling buksan ang usapin.

“Delia, Pepsi— Babalik tayo sa Korte 🙂 Ang Pilipino sa Sinehan,” ani Yap, sabay gamit ng hashtag na #TROPP2025.

Ang nasabing pelikula ay patuloy na nasa sentro ng kontrobersya dahil sa mga sensitibong temang tinatalakay nito, na naging sanhi ng pagtutol ng ilang mga personalidad kabilang si Vic Sotto. Sa kabila ng mga batikos, nananatiling matatag si Darryl Yap sa pagtatanggol sa kanyang proyekto.

Si Darryl Yap ay isang Filipino filmmaker, director, at screenwriter na kilala sa paggawa ng mga kontrobersyal na pelikula at online content. Siya ang nasa likod ng VinCentiments, isang social media platform na nagpo-produce ng short films at viral videos na kadalasang tumatalakay sa mga usapin ng buhay, lipunan, at politika.

Read also

Vic Sotto, magsasampa ng reklamo laban kay Darryl Yap kaugnay ng kontrobersyal na pelikula

Matatandaang nakisali ang kontrobersiyal na direktor sa mainit na sagutan ng social media personalities na sina Chloe San Jose at Sophia Delas Alas, anak ni Ai-Ai Delas Alas. Sa isang post na agad nag-viral, tila pabirong sinabi ni Yap na gusto rin niyang isali sa gulo. Aniya, “Sali niyo naman ako sa away niyo. Matapang din naman ako eh.”

Sa gitna ng patuloy na usap-usapan tungkol sa umano'y sagutan nina Chloe San Jose at Sophia Delas Alas, anak ni Ai-ai Delas Alas, nagbigay opinyon si Yap na tila pabirong sumasali sa isyu. Matatandaang nag-post si Yap ng komento, sinasabing matapang din naman siya kaya’t gusto niyang isali sa gulo.

Source: KAMI.com.gh