Trevor Magallanes, mariing itinanggi na nagkabalikan sila ni Rufa Mae Quinto

• Umaasa ang fans na magkakabalikan sina Rufa Mae Quinto at Trevor Magallanes matapos ang throwback post ng negosyante
• Nilinaw ni Trevor na wala silang balikan at tuloy ang kanilang divorce process
• Nasa Amerika pa si Rufa Mae habang humihingi ng legal advice kaugnay ng kasong estafa laban sa kanya
• Prayoridad ni Trevor ang kanilang anak na si Athena Alexandria sa gitna ng kanilang hiwalayan

Patuloy na umaasa ang mga fans ni Rufa Mae Quinto na magkakabalikan sila ng estranged husband niyang negosyante na si Trevor Magallanes, matapos mag-post si Trevor ng throwback photos nilang pamilya sa social media noong Bagong Taon, Enero 1, 2025.

Makikita sa post ang pinagdugtong-dugtong na mga reel ng lumang litrato at video nilang mag-anak kasama ang anak nilang si Athena Alexandria, na nagbigay ng pag-asa sa ilan na maayos na ang relasyon ng dalawa.

Subalit agad nilinaw ni Trevor na walang balikang nangyari sa kanila ni Rufa Mae, na sinagot din niya ang komento ng isang netizen sa post, “We are not back. I have no intention on having any other relationship with her than ex spouse.”

Read also

Japanese coach Munehiro Kugimiya, nagbalik-tanaw sa kanyang PH journey

Sa ngayon, tuloy ang divorce process ng estranged couple, na kinumpirma ni Trevor sa isang social media post noong Disyembre 13, 2024, kung saan sinabi niyang ang tanging prayoridad niya ay ang makapaglaan ng oras para sa anak nilang si Athena.

Samantala, nasa Amerika pa rin si Rufa Mae at balitang humihingi ng legal advice kaugnay ng kasong estafa na isinampa laban sa kanya sa Pilipinas dahil sa pagkakadawit niya sa isang investment scam case. Nangako naman ang aktres na haharapin ang mga reklamo laban sa kanya sa tamang panahon.

Si Rufa Mae Quinto-Magallanes ay sumikat bilang isang Filipina actress, comedian at TV host. Nakilala siya sa kanyang kakaibang estilo ng pagpapatawa. Pinasok niya ang mundo ng showbiz nang mapabilang siya sa That's Entertainment noong 1996. Ilan sa sumikat niyang pagganap ay bilang si 'Booba' sa pelikulang Booba noong 2001 at bilang si 'Boobita Rose' sa Masikip sa Dibdib.

Read also

Andrew Schimmer, ipinasilip ang kanyang "Baby Jasmine"

Matapos ang kanyang pamamalagi sa Amerika, bumalik kamakailan sa Pilipinas si Rufa Mae. Nauna siyang napasama sa UniTeam rally na talaga namang pinag-usapan. Sa kanyang pag-uwi sa Pilipinas, ibinahagi niya sa kanyang social media account ang bagong bahay na kanilang tinitirhan pagbalik nila sa Pinas.

Matapos lumabas ang video ng kanyang pagkanta sa rally para kay Senator Manny Pacquiao, agad na nag-trend sa Twitter si Rufa Mae. Marami ang nawindang na makita siya sa naturang rally dahil bago ito ay naroroon din siya sa UniTeam rally ni Pangulong Bongbong Marcos. Maging si Rufa Mae ay binahagi sa kanyang Instagram story ang screenshot ng top trends sa Twitter kung saan makikita ang kanyang pangalan. Sa nag-viral na video, makikita ang bahagi ng pagkanta ni Rufa Mae ng awiting Firework ni Katy Perry.

Source: KAMI.com.gh