Maris at Anthony, wala pa rin sa premiere night ng pelikulang 'And the breadwinner is'

- Wala pa rin sina Maris Racal at Anthony Jennings sa premiere night ng MMFF movie entry na pinagbibidahan ni Vice Ganda

- Bago pa pumutok ang cheating issue 'di umano ni anthony, nakasama pa ang love team nilang 'MaThon' sa isang promo show ng pelikula

- Matatandaang naalis pa sila pansamantala sa movie poster nito sa media con ng nasabing pelikula

- Ito ang unang pelikula kung saan mapapanood ang love team nila 'MaThon' na mula sa patok na team up nila sa 'Can't Buy Me Love'

Hindi pa rin namataan ang tambalang 'MaThon' nina Maris Racal at Anthony Jennings sa premiere ng pelikulang kinabibilangan nila, ang 'And the breadwinner is.'

Sa mga larawang naibahagi ng Inquirer mula sa nasabing event, makikitang kumpleto ang cast maliban lamang sa dalawa.

Maalalang sa kasagsagan ng pag-promote nila ng nasabing pelikula na entry ni Vice Ganda sa Metro Manila Film Festival, kinumpirma ni Anthony ang matagal nang umuugong na hiwalayan nila ng dating non-showbiz girlfriend na si Jam Villanueva.

Read also

Vice Ganda, emosyonal matapos mapanood ang 'And the Breadwinner is'

Matapos ito, ibinunyag ni Jam ang umano'y panloloko sa kanya ni Anthony at ng co-star at ka-love team nitong si Maris Racal.

Sa nangyari, hindi na nakasama pang muli ang dalawa sa pag-promote ng nasabing pelikula.

Si Mariestella "Maris" Cañedo Racal ay isang 23 anyos na Pinay actress, singer-songwriter, host, vlogger at endorser. Una siyang sumikat noong 2014 matapos niyang sumali sa Pinoy Big Brother: All In. Nakarelasyon niya sa loob ng nasa limang taon ang Pinoy musician na si Rico Blanco.

Samantala, nakilala ang tambalan nilang 'MaThon' ni Anthony Jennings sa teleseryeng pinagbidahan nina Belle Mariano at Donny Pangilinan, ang 'Can't Buy Me Love'

Kamakailan, naging matunog ang kanyang pangalan matapos na isiwalat di umano ng ex-girlfriend ng ka-love team niyang si Anthony Jennings ang mga private message nila na labis na gumulantang sa publiko.

Kaugnay nito, isang product endorsement na ni Maris ang nagdesisyon na tapusin ang kanilang partnership sa aktres. Hindi na rin muna isinama umano sa media con ng And the breadwinner is si Maris at Anthony na sinasabing para makaiwas muna na mausisa tungkol sa mainit na isyu. Gayunpaman, isa sa mga proyektong inaasahang mapapanood ang tambalang MaThon ay ang seryeng Incognito na ipalalabas sa Enero 2025.

Source: KAMI.com.gh