Ogie Diaz, nabanggit na hindi umano alam ng mister ni Rufa Mae kung gaano ito kasikat sa Pinas

- Nabanggit ni Ogie Diaz na hindi umano alam ng mister ni Rufa Mae Quinto kung gaano ito kasikat

- Kaya naman, nagtataka raw ito kung bakit panay ang balik nito sa Pilipinas

- Mapapansing kahit sa Amerika na naglalagi si Rufa Mae ay madalas pa rin umano ito sa bansa

- Madalas rin itong mapanood sa iba't ibang shows tulad ng It's Showtime bago pumutok ang kontrobersiya ukol sa isinampang kaso sa kanya

Sa pinakabagong episode ng Showbiz Update ni Ogie Diaz, nabanggit na hindi pala umano alam ng mister ni Rufa Mae Quinto na si Trev Magallanes kung gaano ito kasikat sa Pilipinas.

"Si Trev kasi, hindi alam na sikat dito si Peachy. Kaya pinagtataka ni Trev, bakit ka uwi nang uwi," ani Ogie.

"Alam niyang artista pero hindi niya alam yung gravity ( ng fame ni Rufa Mae) Kaya hati rin ang atensyon ni Peachy," dagdag pa nito.

Read also

Ogie Diaz nakausap si Rufa Mae, sinabing haharap ito sa SEC: "via Zoom"

Gayunpaman, nabanggit din umano sa kanya ni Rufa Mae na nahihinayangan daw ito sa raket na makukuha sa Pilipinas kaya naman bumabalik-balik ito sa bansa kung mayroong gagawing proyekto.

Sa ngayon, nasa Amerika si Rufa Mae at doon napiling magpasko ng anak niyang si Athena.

Si Rufa Mae Quinto-Magallanes ay sumikat bilang isang Filipina actress, comedian at TV host. Nakilala siya sa kanyang kakaibang estilo ng pagpapatawa. Pinasok niya ang mundo ng showbiz nang mapabilang siya sa That's Entertainment noong 1996. Ilan sa sumikat niyang pagganap ay bilang si 'Booba' sa pelikulang Booba noong 2001 at bilang si 'Boobita Rose' sa Masikip sa Dibdib.

Kamakailan ay nasangkot sa kontrobersiya si Rufa Mae kung saan tulad ni Neri Miranda ay nakasuhan ito kaugnay sa umano'y investment scam ng Dermcare. Sinasabing Fourteen counts ng estafa siyang kinakaharap ni Rufa Mae na nakatakdang humarap sa Security and Exchange Commission sa mga susunod na araw.

Read also

Ogie Diaz, nilinaw na hindi siya ang PRO ng pelikulang 'And the Breadwinner is'

Halos kasabay din nito ang isa pang kontrobersiyang kinaharap ni Rufa Mae matapos na umano'y maaresto ang kanyang asawa na si Trevor Magallanes Sa Hawaii. Wala mang nailabas na opisyal na pahayag ang dalawa ukol dito subalit may epekto pa rin ito lalo na sa kabi-kabilang pinagdaraanan ng aktres sa ngayon.

Source: KAMI.com.gh