Ogie Diaz nakausap si Rufa Mae, sinabing haharap ito sa SEC: "via Zoom"

- Nakausap umano ni Ogie Diaz ang aktres at komedyanteng si Rufa Mae Quinto

- Isa sa nabanggit niya ay ang susunod na proseso sa kasong kinaharap niya tulad nang kay Neri Miranda

- Ayon pa kay Rufa Mae, nakauwi na umano ang kanyang mister matapos na ito'y maaresto di umano kamakailan

- Si Rufa Mae ay madalas na lamang bumalik sa bansa kung may proyekto ito ngunit ilang taon na itong namamalagi sa Amerika kasama ng kanyang pamilya

Nagkaroon umano ng pagkakataon si Ogie Diaz na makumusta ang aktres at komedyanteng si Rufa Mae Quinto.

Isa sa kanilang napag-usapan ay ang susunod na hakbang na gagawin nito sa kasong kinaharap niya kamakailan.

"Siya naman ay nakatakdang humarap sa SEC... via ZOOM" ani Ogie base sa nailahad sa kanya ni Rufa Mae.

Matatandaang matapos ni Neri Miranda, naharap din sa halos parehong sitwasyon si Rufa Mae kaugnay umano sa investment scam ng Dermacare beauty clinic. Pareho silang celebrity endorsers nito.

Read also

Ogie Diaz: "Let's give Anthony and Maris Racal a chance"

Kasalukuyan umanong nasa Amerika si Rufa Mae gayung nabanggit din nito kay Ogie na doon nais mag-Pasko ng kanyang anak na si Athena.

Narito ang kabuuang detalye tungkol kay Rufa Mae mula sa Ogie Diaz Showbiz Update:

Si Rufa Mae Quinto-Magallanes ay sumikat bilang isang Filipina actress, comedian at TV host. Nakilala siya sa kanyang kakaibang estilo ng pagpapatawa. Pinasok niya ang mundo ng showbiz nang mapabilang siya sa That's Entertainment noong 1996. Ilan sa sumikat niyang pagganap ay bilang si 'Booba' sa pelikulang Booba noong 2001 at bilang si 'Boobita Rose' sa Masikip sa Dibdib.

Matapos ang kanyang pamamalagi sa Amerika, bumalik kamakailan sa Pilipinas si Rufa Mae. Nauna siyang napasama sa UniTeam rally na talaga namang pinag-usapan. Sa kanyang pag-uwi sa Pilipinas, ibinahagi niya sa kanyang social media account ang bagong bahay na kanilang tinitirhan pagbalik nila sa Pinas.

Kamakailan, panibagong kontrobersya ang kinaharap ni Rufa Mae matapos na umano'y maaresto ang kanyang asawa na si Trevor Magallanes Sa Hawaii. Wala mang nailabas na opisyal na pahayag ang dalawa ukol dito subalit may epekto pa rin ito lalo na sa kabi-kabilang pinagdaraanan ng aktres sa ngayon.

Source: KAMI.com.gh