Zaijian Jaranilla, kay Xyriel Manabat: "Partner nalang kulang, pa riding in tandem ka na"

- Kinaaliwan ng netizens ang masayang bardagulan ng magkaibigang sina Zaijian Jaranilla at Xyriel Manabat sa social media

- Nag-post si Xyriel ng larawan ng kanyang bagong scooter at pinangalanan itong "Baby Burgy"

- Pabirong tinukso ni Zaijian si Xyriel at sinabing "sesemplang pa" ito sa kanyang bagong gamit

- Nagpatuloy ang asaran ng dalawa nang magkomento si Zaijian at sabihing "partner na lang kulang, pa riding in tandem ka na"

Kinaaliwan ng netizens ang masayang bardagulan ng magkaibigang sina Zaijian Jaranilla at Xyriel Manabat sa social media matapos magpalitan ng mga nakakatuwang komento. Nagsimula ang kanilang kulitan sa Instagram post ni Xyriel kung saan ipinagmalaki niya ang bago niyang scooter na pinangalanan niyang "Baby Burgy."

"YES!!! ABOT KO OPO! Another big girl purchase. NEW BABY! 🛵 BABY BURGY," ang masayang pagbabahagi ni Xyriel sa kanyang post. Agad namang sumagot si Zaijian at pabirong sinabi, “Nubayan parang sesemplang pa sa huli eh,” na ikinatawa ng kanilang followers.

Read also

AiAi Delas Alas, gustong makausap si Xian Gaza kasunod ng open letter nito sa kanya

Hindi naman nagpatalo si Xyriel at sinagot ang aktor ng, "@zaigj kwento mo sa semplang mo sa SCOOTER na laruan ew," na lalong nagpasigla sa kanilang palitan ng asaran. Bilang pahabol na banat, sinabi ni Zaijian, "@xyrielmanabat_ partner na lang kulang, pa riding in tandem ka na," na lalong nagpakilig at nagpatawa sa kanilang mga tagahanga.

Ang nakakaaliw na palitan ng komento ng dalawa ay umani ng maraming reaksyon mula sa netizens, na tuwang-tuwa sa closeness at chemistry ng magkaibigan.

Si Xyriel Manabat o Xyriel Anne Bustamante Manabat sa totoong buhay ay unang nakilala sa mundo ng showbiz nang sumali siya sa Star Circle Quest: Search for the Next Kiddie Idol noong taong 2009 kung saan tinanghal siyang 3rd placer.

Lalong nakilala si Xyriel dahil sa kanyang husay sa pag-arte. Ilan sa mga teleseryeng kanyang pinagbidahan ay Agua Bendita, Momay at 100 Days To Heaven.

Read also

Gee Canlas, nagparamdam sa social media matapos ang reklamo laban kay Archie Alemania

Matatandaang Enero noong nakaraang taon nang ibahagi ni Xyriel ang ilang pictures niya sa kanyang 18th birthday. Sa kanyang pagdiriwang ng kanyang ika-18 taong kaarawan, bumuhos ang pagbati hindi lamang mula sa mga tagahanga niya kundi mula sa mga kasamahan niya sa industriya.

Sa social media post ni Xyriel kung saan sinabi niyang nagawa niya ang isa sa kanyang 2021 bucketlist, marami ang nag-tag kay Senyora. Dahil dito ay nag-react si Senyora at makikita ang kanyang "angry" react sa post ni Xyriel sa Facebook.

Source: KAMI.com.gh