Chavit Singson, kinaaliwan sa kanyang hirit tungkol sa pagbili sa Miss Universe

- Kinaaliwan ng netizens si Chavit Singson matapos mag-trending dahil sa kanyang biro tungkol sa pagbili ng Miss Universe ngayong araw

- Marami ang nagsabing dapat bilhin na ni Chavit ang Miss Universe Organization matapos niyang magbiro ukol dito

- Ibinida niya na bibilhin niya ang pageant kung si Senyora ang magiging representative ng Pilipinas sa susunod na taon

- Matatandaang ang pagho-host ni Chavit ng Miss Universe noong 2016 ay nagbigay ng higit US$500 milyon na media mileage para sa Philippine tourism

Kinaaliwan ng netizens ang mga birong banat ni Chavit Singson matapos mag-trending sa social media kasunod ng pag-anunsyo ng Top 12 sa Miss Universe ngayong araw. Marami sa mga pageant fans ang nagsabing dapat na niyang bilhin ang Miss Universe Organization, lalo na matapos magbigay siya ng nakakatuwang pahayag ukol dito.

Sa kanyang post, pabirong sinabi ni Chavit, “Nag-charge lang ng cellphone, pagbalik, trending na. Babasahin ko lahat 'yan, magka-kape lang ako.” Ikinatuwa ito ng mga netizens na agad nag-viral ang kanyang post.

Read also

Super Typhoon Pepito, Nagdulot ng Malawakang Pinsala sa Pilipinas

Hindi pa rito natapos ang kanyang mga birada. Dagdag pa ni Chavit, “Bibilhin ko ang buong Miss Universe organization kung si Senyora yung representative natin next year,” na muling nagpasaya sa kanyang mga tagasubaybay. Ang hirit niyang ito ay tila tugon sa matagal nang hiling ng ilang Pilipino na muling mai-host ng bansa ang prestihiyosong pageant.

Matatandaang dati nang naging host si Chavit ng Miss Universe sa Pilipinas noong 2016, na itinuturing na isa sa pinakamatagumpay na edisyon ng pageant. Ayon kay Paula Shugart, dating presidente ng Miss Universe Organization, ang hosting ni Chavit sa Philippine edition ng Miss Universe ay ang “pinakamatagumpay sa kasaysayan ng pageant.” Dagdag pa rito, nakapagbigay umano ito ng mahigit US$500 milyon na media mileage exposure para sa Philippine tourism sa buong mundo.

Dahil sa kanyang mga nakakaaliw na pahayag, muling nabuhay ang panawagan ng ilang fans na si Chavit na ang bumili sa Miss Universe Organization. Para sa karamihan, ang kanyang pagiging game at witty ay patunay na kaya niyang magdala ng saya at tagumpay sa anumang kanyang pinapasok.

Read also

Bonggang entrance ng BINI sa Grand Biniverse concert day one, mabilis nag-viral

Patuloy na umaani ng libu-libong reaksyon ang kanyang mga banat, at marami ang nag-aabang kung magiging seryoso nga ba si Chavit sa kanyang planong pagkuha sa Miss Universe Organization. Isa itong patunay na hindi lamang siya mahusay na negosyante kundi isa ring “crowd favorite” sa social media.|

Kilala si Senyora Santibañez bilang isang satirical online persona na madalas nagpo-post ng mga witty at sarcastic na reaksyon sa mga trending topics, kaya’t hindi na kataka-takang agawin nito ang atensyon ng social media.

Sa social media post ni Xyriel Manabat kamakailan kung saan sinabi niyang nagawa niya ang isa sa kanyang 2021 bucketlist, marami ang nag-tag kay Senyora. Dahil dito ay nag-react si Senyora at makikita ang kanyang "angry" react sa post ni Xyriel sa Facebook.

Matatandaang matapos ilabas ang pagkakakilanlan ng artistang gaganap bilang si Valentina sa seryeng Darna, sari-sari ang naging reaksiyon ng netizens. Maging ang kilalang social media personality na si Senyora ay naglabas ng kanyang reaksiyon at marami ang naaliw sa kanyang post.

Source: KAMI.com.gh