Jericho Rosales, nagkomento sa post ni Heart Evangelista gamit ang kanta niyang 'Pusong Ligaw'

- Si Heart Evangelista ay gumamit ng kantang "Pusong Ligaw" para sa kanyang fashion week post na tampok ang Schiaparelli

- Ang kantang ito ay unang ni-release ni Jericho Rosales noong 2009 para sa ex-girlfriend niyang si Kristine Hermosa

- Si Jericho ay nag-react sa paggamit ni Heart ng kanta sa pamamagitan ng pagtawa at palakpak emojis

- Sina Heart at Jericho ay nag-date mula 2006 hanggang 2008, at pareho na silang masaya sa kani-kanilang bagong mga relasyon

Kamakailan ay ginamit ni Heart Evangelista ang mga Filipino songs para sa kaniyang fashion week Reels. Sa kanyang post tampok ang Schiaparelli sa Paris Fashion Week, pinili niya ang kantang "Pusong Ligaw."

Ang 2009 hit na ito ay pinasikat ng kanyang ex-boyfriend na si Jericho Rosales. Ang mas nakakatuwa pa rito, ang kantang ito ay inialay ni Jericho para sa kanyang dating kasintahan na si Kristine Hermosa, ayon sa isang matagal nang interview.

Read also

Carla Abellana, nasa perimenopausal stage na sa edad niyang 37

Sa isa pang interview na nahalukay din ng mga netizens, inamin ni Kristine na si Jericho ang kanyang "first love." Naging magkasintahan ang dalawa noong early 2000s at lalo pang sumikat nang magkasama sila sa iconic na teleserye na Pangako Sa'Yo.

Isang simple ngunit nakakatuwang sagot – pagtawa at emoji ng palakpak ang naging komento ni Jericho sa reel na ito ni Heart.

Matatandaang si Heart at Jericho ay nag-date mula 2006 hanggang 2008. Ang kanilang paghihiwalay ay naging laman ng balita sa showbiz matapos akusahan ni Heart si Jericho ng pagtataksil.

Gayunpaman, sa paglipas ng panahon, inamin ni Heart na hindi totoo ang kanyang mga hinala. Ang kanilang mga muling pagkikita matapos ang breakup ay lumikha ng matinding atensyon mula sa fans at nagpasiklab ng maraming espekulasyon sa pagdaan ng mga taon.

Read also

Boss Toyo, bumili ng libo-libong pisong halaga ng damit sa live selling ni mommy Angelica Yulo

Noong 2014, ikinasal si Jericho kay Kim Jones, at isang taon matapos, ikinasal naman si Heart kay Senator Chiz Escudero. Sa ngayon, parehong masaya sina Jericho at Heart sa kani-kanilang mga bagong yugto ng buhay.

Nitong taon lang, ipinagdiwang ni Heart at Sen. Chiz ang kanilang ikasiyam na anibersaryo ng kasal sa pamamagitan ng isang marangyang vow renewal ceremony. Samantala, si Jericho ay nagpapakilig sa lahat sa kanyang relasyon kay Janine Gutierrez, matapos ang maayos na paghihiwalay kay Kim.

Si Heart Evangelista ay isang kilalang Filipino actress, model, at philanthropist. Ipinanganak noong February 14, 1985. Bukod sa kanyang karera sa showbiz, naging parte si Heart ng mga philanthropic activities at proyekto. Siya rin ay may mga social media platforms kung saan aktibo siya sa pagbibigay ng updates tungkol sa kanyang buhay personal at professional.

Matatandaang sa isang Instagram post ni Heart kung saan binahagi niya ang kanyang fashion style, bumuhos ang mga positibong komento. Marami ang napabilib sa talento at husay ni Heart pagdating sa kanyang pananamit.

Read also

Dating PBB housemate, Chinese translator sa Senate hearing ukol sa POGO

Binahagi ni Heart Evangelista na nag-iipon siya para sa binabalak niyang pagbili ng tirahan sa Paris. Dahil sa kanyang trabaho lalo na sa kanyang pagdalo sa fashion week kaya niya naisipang bumili ng kanyang sariling matitirhan.

Source: KAMI.com.gh