Yassi Pressman, ibinida ang first anniversary nila ni Gov Luigi Villafuerte

- Ipinagdiwang nina Yassi Pressman at Gov. Luigi Villafuerte ang kanilang unang anibersaryo sa Bhutan

- Ibinahagi ni Yassi ang kanilang mga video at larawan sa Instagram, na nagpapakita ng kanilang pagmamahalan

- Sa kanyang caption, sinabi ni Yassi na pinalad siya na makatagpo ng isang taong dedikado sa kanyang trabaho at sa kanilang relasyon

- Nagsalita rin si Luigi sa kanyang post, na binati si Yassi ng "Happy anniversary" at inilarawan ang kanilang pagsasama bilang isang adventure

Ipinagdiwang nina Yassi Pressman at Camarines Sur Governor Luigi Villafuerte ang kanilang unang anibersaryo bilang magkasintahan sa Bhutan, isang espesyal na lugar na kanilang pinuntahan upang pahalagahan ang mga magagandang bagay sa buhay. Ayon sa Instagram post ni Yassi, masaya at in love sila ni Luigi habang ibinabahagi niya ang mga video at larawan mula sa kanilang trip.

Sa kanyang caption, ipinahayag ni Yassi kung gaano siya pinalad na makatagpo ng isang taong kasing dedikado at mapagmahal tulad ni Luigi. Sinabi niyang ang kanilang paglalakbay ay naging paraan upang pabagalin ang kanilang abala sa buhay at ma-appreciate ang mga biyaya sa paligid nila. Dagdag pa ni Yassi, masaya siyang kasama si Luigi, na aniya'y "nag-aalaga sa lahat, pati na sa akin."

Read also

Chloe San Jose, hindi nagpatinag sa mga negatibong komento

Sa kabilang banda, naging sweet din si Luigi sa kanyang Instagram post, kung saan binati niya si Yassi ng "Happy anniversary" at sinabi niyang bawat araw ay isang adventure kasama ang aktres.

Si Yassi Pressman o Yasmin Isabel Yasto Pressman sa totoong buhay ay isang Filipino-British model, actress, television personality, singer, at dancer. Matatandaang naging bahagi siya ng Pinoy Big Brother: Lucky 7 noong 2016. Kinalaunan ay naging bahagi siya ng FPJ's Ang Probinsiyano kung saan gumanap siyang Alyana Arevalo, ang asawa ni Cardo Dalisay na ginagampanan ni Coco Martin.

Nagbahagi si Yassi Pressman ng makahulugang mensahe sa kanyang Instagram stories sa gitna ng kinasasangkutang kontrobersiya ng kanyang kapatid. Hindi nito diretsahang sinabi na patungkol sa isyu ng kanyang kapatid ang sinabi niyang dapat abangang "2 sides of a story". Sa pag-viral ng picture ng kapatid niyang si Issa Pressman kasama si James Reid, naungkat ang ginawang pagtatanggol ni Yassi noon sa kapatid. Ito ay sa kasagsagan ng pagkakadawit noon kay Issa sa hiwalayang James at Nadine Lustre.

Nagsalita naman si James kaugnay sa isyung kinasasangkutan nila ni Issa kasunod ng pag-post nila ng pictures nilang magkasama. Ani James, walang katotohanan ang mga haka-haka tungkol kay Issa at mga rumors lamag daw ang lahat ng iyon. Hindi niya raw ugali na sagutin ang mga bashers o makisali sa hate culture ngunit aniya ay kailangan niya nang magsalita. Aniya pa, hindi niya hahayaang mawala sa kanya ang simula ng "something beautiful" sinabi niya din na ngayon siya naging pinakamasaya.

Source: KAMI.com.gh