Raquel Pempengco, muling ibinida si Charice: "Wala pang hihigit jan"

- Ibinida muli ni Raquel Pempengco si Charice sa pamamagitan ng pagbabahagi ng video ng pagkanta nito ng "All By Myself" kasama si David Foster

- Sinabi ni Raquel na wala pang hihigit sa talento ni Charice at hindi dapat ikumpara sa iba

- Ipinaalala ni Raquel na nakatatak na si Charice sa kasaysayan ng Pilipinas dahil sa kanyang mga makasaysayang pagtatanghal

- Nagdulot ng iba't ibang reaksyon mula sa netizens ang pahayag ni Raquel, na may mga sumusuporta at may mga nagbigay ng kritisismo

Muling ipinaalala ni Raquel Pempengco ang galing ng kanyang anak na si Charice Pempengco sa pamamagitan ng pagbabahagi ng isang video kung saan kinakanta ni Charice ang "All By Myself" kasama ang sikat na musikero na si David Foster. Sa kanyang post, sinabi ni Raquel na wala pang hihigit sa talento ni Charice at na hindi dapat ikumpara ang kanyang anak sa iba.

Read also

Mo Twister, ipinakita ang mga kalmot sa mukha sa gitna ng hiwalayan nila ni Angelicopter

Ayon kay Raquel, ang kakayahan ni Charice ay walang katulad, at ito ang katotohanang kailangang tanggapin ng lahat. Ipinaalala rin niya na kahit saan man naroroon ngayon si Charice, nakatatak na siya sa kasaysayan ng Pilipinas. Binanggit din ni Raquel na si Charice ay nagbigay ng malaking karangalan sa bansa, kabilang ang pag-awit ng Philippine National Anthem sa mga mahahalagang okasyon.

Ang post ni Raquel ay nagpaalala rin sa mga tagahanga ni Charice ng kanyang mga makasaysayang pagtatanghal at ang kanyang malaking kontribusyon sa industriya ng musika, hindi lamang sa Pilipinas kundi pati na rin sa buong mundo. Sa kabila ng mga hamon at pagbabago sa kanyang buhay at karera, nananatili ang suporta at pagmamahal ng kanyang ina, at ng marami sa kanyang mga tagahanga.

Si Jake Zyrus ay unang nakilala bilang si Charice Pempengco. Siya ay unang nakilala nang sumali siya sa Little Big Star kung saan hindi man siya nanalo, naging daan ito upang makilala siya sa iba pang panig ng mundo. Naging sikat siya at nakapag concert sa iba't-ibang panig ng mundo nang makasama siya ni David Foster na isa sa tumulong sa kanya. Kinalaunan, napagpasyahang palitan ni Charice ang kanyang pangalan kaya siya ay kilala na bilang si Jake Zyrus.

Read also

Diwata, nag-ikot para mamigay ng biyaya; binalikan ang dating tirahan sa ilalim ng tulay

Noong 2021 ay muling nag-viral ang video ni Charice Pempengco na kuha sa isang concert niya kasama si David Foster. Ito ay matapos ibahagi ni Jake Zyrus (Charice) ang kwento sa likod ng performance niyang iyon. Hindi pala naging madali sa kanya ang kanyang pag-perform dahil sa bigat ng kanyang naramdaman. Iyon daw ang unang pagkakataon na pinayagan siya na isuot ang damit na gusto niya.

Matapos ang kontrobersiyal na pagrereklamo ng ina ni Raquel Pempengco sa programa ni Raffy Tulfo, muli silang nakapag-usap. Ito ay matapos hilingin ng matanda na ihatid siyang muli sa bahay ng kanyang anak na kamakailan ay umani ng pambabatikos. Inihingi ng paumanhin ng ina ni Raquel ang kanyang nagawa sa kanyang anak at hindi nito mapigilang maiyak. Kahit emosyonal ay tinanggap ni Raquel ang ina at hiniling na sana ay huwag nang ulitin ng ina ang kanyang ginawa

Source: KAMI.com.gh