Vice Ganda, binigyan ang nanay niya ng pangarap nitong sasakyan

- Pinakita ni Vice Ganda sa kanyang bagong vlog ang masayang Noche Buena nila ng kanyang pamilya

- Siya ang nagpalaro at nagbigay ng mga premyo sa mga laro nila ng kanyang kamag-anak

- Bukod dito ay may mga regalo din siya sa lahat ng naroroon at mayroon din siyang sobre na binigay sa pamilya niya na hindi na nila pinaalam ang laman

- Tuwang-tuwa din ang kanyang nanay na binigyan niya ng sasakyan

Masayang-masaya ang Nanay Rosario ni Vice Ganda matapos niyang makita ang sorpresa ng anak niya sa kanya. Binigyan siya ni Vice Ganda ng pangarap niyang sasakyan.

Hinanap daw ni Vice Ganda ang sasakyan na mababa lang para hindi mahirapan ang kanyang nanay.

Kwento pa ng kanyang nanay, nakikigamit lang siya ng sasakyan sa kanyang mga anak kaya masaya siyang meron na siyang kanyang sariling sasakyan.

Read also

Sharon Cuneta, nabahala sa lagay kalusugan: "Please, if you can pray for me?"

Bago ipinakita ni Vice ang sorpresa, naglaro muna sila. Mismong si Vice ang nagpalaro at nagbigay ng mga papremyo.

Si Vice Ganda ay isa sa pinakasikat na komedyante at TV host sa kasalukuyan. Nakilala siya sa kanyang husay sa pagpapatawa at mga pelikulang kadalasan ay tumatabo sa takilya. Kabilang din siya sa noontime show na It's Showtime na 13 taon nang napapanood sa ABS-CBN. Bukod sa kanyang pag-aartista, siya rin ay nagmamay-ari ng beauty products na Vice Cosmetics.

Kinaaliwan ang video ni Vice Ganda na kanyang binahagi sa kanyang YouTube channel. Makikita sa kanyang bagong video ang nakakaaliw na reaksiyon ng kanyang mga co-host. Hinamon niya ang mga ito sa challenge niya gamit ang laruang bad dog na aniya ay natanggap niya bilang regalo. May alok din siyang premyo sa makakagawa ng kanyang challenge sa loob lamang ng takdang oras na binigay niya.

Naghayag naman si Vice Ganda ng kanyang pagka-miss kay Ion na hindi niya kasama sa kanyang bakasyon. Base sa kanilang mga social media post, nasa Japan si Ion samantalang kasama naman ni Vice ang ilang kaibigan at pamilya niya. Sa kabila ng pang-iintriga sa kanilang relasyon, nagbahagi ng mensahe si Vice kay Ion na na-mi-miss na niya umano ito. Nauna na ring umalma si Ion at nagsalita laban sa taong aniya ay wala nang boses pero wala pa ring magandang salitang lumalabas sa bibig.

Source: KAMI.com.gh