Kylie Padilla, umani ng papuri sa kanyang husay sa pagkanta

- Binahagi ni Kylie Padilla ang video ng kanyang pagkanta kasama ang banda

- Marami ang humanga at nagulat na mahusay din pala itong kumanta lalo at ayon sa netizens ay bagay sa kanyang boses ang mga kantang napili

- Marami rin ang nag-udyok sa kanya na ituloy ang kanyang pagkanta dahil sa husay niya

- Sa kanyang pagiging bahagi ng showbiz, nakilala si Kylie sa husay niya sa pag-arte

Marami ang bumilib at nagulat sa husay ni Kylie Padilla sa pagkanta nang ibahagi nito ang kanyang performance kamakailan. Marami rin ang nag-udyok sa kanya na ituloy ang kanyang pagkanta dahil sa husay niya.

Base sa kanyang post, kabilang si Kylie sa mga performer sa 12 Monkeys Music Hall & Pub. Kasama niya din ang ilang kilalang performers kagaya ni Barbie Almalbis at Ice Seguerra.

Read also

Serena Dalrymple, nagbahagi ng update sa pagbubuntis: "10 weeks to go!"

Kabilang sa kanyang kinanta ay Nosi Balasi at Zombie.

Narito ang ilang komento:

Wow! Maganda pala boses mo,swak na swak sa choice of songs

Complete package maganda na,galing sa action magaling pa kumanta png rockstar.

Oh wow I didn't know that you can sing too

Si Kylie Padilla ay isang aktres na nakilala sa kanyang pagganap sa ilang serye sa telebisyon kagaya ng Joaquin Bordado, The Good Daughter at Adarna. Isa sa pinakasumikat na seryeng kanyang ginawa ay ang Encantadia noong 2016 kung saan gumanap siya bilang si Sang’gre Amihan. Nagmula siya sa prominenteng angkan ng mga Padilla na kilala sa mundo ng showbiz.

Naitanong kay Kylie ang kanyang reaksiyon kaugnay sa paglantad nina Aljur Abrenica at AJ Raval ng kanilang relasyon nitong Valentine's Day. Ani Kylie, masaya siya para sa kanilang lahat na nakahanap na ng kani-kanilang kaligayahan. Sa ginanap na mediacon ng serye niyang Mga Lihim ni Urduja ay natanong din sa kanya kung ano ang reaksiyon niya sa pangbabash kina Aljur at AJ kasunod ng kanilang post kamakailan. Muli ay sinabi niyang hindi siya nagbibiro nang sabihin niyang masaya siya para sa kanilang lahat.

Read also

Ray Parks, ibinida ang picture ni Lucas matapos nitong magsimba

Diretsahang sinabi ni Kylie na hindi si AJ ang dahilan ng problema nila ni Aljur Abrenica na naging dahilan ng kanilang paghihiwalay. Sa isang livestream video na binahagi ng social media personality na si Senyora, nakiusap si Kylie na sana ay tigilan na si AJ Raval dahil hindi daw okay sa kanya ang ginagawa kay AJ. Aniya, hindi deserve ni AJ ang hate at bashing na kanyang tinatanggap mula sa mga netizens. Bilang tatay ng kanyang mga anak, gusto daw niyang masaya si Aljur para buo ang kasiyahan ng kanyang mga anak.

Source: KAMI.com.gh