Zeinab Harake, nagpakitang gilas sa kanyang fire dance number

- Kinabiliban si Zeinab Harake sa kanyang dance number sa birthday celebration ng anak niyang si Bia

- Ginanap ang ikalawang taong kaarawan ni Bia sa beach na dinaluhan ng malalapit na kaibigan at pamilya ni Zeinab

- Kagaya noong unang kaarawan ng anak, may pasabog na sorpresang inihanda si Zeinab

- Sumayaw siya hawak ang dalawang baton na naglalagablab sa magkabilang mga dulo

Pasabog ang sayaw ni Zeinab Harake sa 2nd birthday celebration ng anak na si Bia. Sumayaw siya hawak ang dalawang baton na naglalagablab sa magkabilang mga dulo.

Ani Zeinab, kagaya noong unang birthday ni Bia, hindi siya papayag na wala siyang pasabog. Hindi naman maitago ang pagkamangha ng kanyang mga bisita dahil ayon kay Zeinab ay hindi nila alam ang tungkol sa dance number niyang ito.

Read also

Angelica Panganiban, muling nakapag-yoga sa kabila ng kanyang sciatica

Ginanap ang ikalawang taong kaarawan ni Bia sa beach na dinaluhan ng malalapit na kaibigan at pamilya ni Zeinab na kinabilangan ng kanyang mga kapatid at kaibigan kagaya nina Donnalyn Bartolome, Jelai Andres, Awra Briguella at marami pang iba.

Si Zeinab Harake ay isa sa pinakakilalang social media influencer at YouTube content creator sa bansa na mayroong milyon-milyong subscribers. Matatandaang naging kontrobersiyal ang relasyon nila ng rapper na si Skusta Clee. Nabiyayaan sila ng isang anak ngunit tuluyan na silang naghiwalay.

Matatandaang matapos lumabas ang video ni Wilbert Tolentino ay dumipensa si Zeinab sa mga nilabas na screenshot ni Wilbert laban sa kanya. Ani Zeinab, cropped ang mga nilabas na conversation ni Wilbert kaya hindi umano nailabas ang kabuuan ng kanyang sinabi. Inisa-isa niyang nilinaw ang mga nilabas na screenshot ni Wilbert na umano ay mga nasabi niya laban sa mga sikat na vloggers. Hiling naman ni Zeinab na tigilan na lang ang gulo at huwag na siyang ididikit sa grupo nina Wilbert para matapos na ang gulo.

Nilinaw naman ni Zeinab na bago siya nag-live sa Facebook ay tinawagan niya ang mga taong nadawit sa video na nilabas ni Wilbert. Kinausap at nilinaw niya umano sa mga taong nasangkot ang tungkol sa mga lumabas na screenshot na ayon sa kanya ay kulang na dahil cropped umano ang mga ito. Kabilang sina Ivana Alawi at Alex Gonzaga sa kanyang mga tinawagan kaugnay dito at nagkaintindihan umano sila. Maging sa kanyang video ay humingi si Zeinab ng dispensa sa mga taong nadamay pa umano.

Source: KAMI.com.gh