Cristy sa komentong nang-iiwan umano sa ere si Maja: "Unawain po natin ang kanyang dahilan"

- Naibahagi ni Cristy Fermi ang umano'y komento ng netizens ngayon sa paglisan ni Maja Salvador sa "Eat Bulaga"

- Nilarawan nila ito bilang "unang tumatalon kapag lumulubog ang bangka"

- Matatandaang nang hindi na nabigyan ng prangkisa ang ABS-CBN, nagulat na lamang ang publiko nang mapanood na siya sa "Eat Bulaga"

- At ngayon namang matunog ang mga pagbabagong gagawin sa longest running noontime show, pansamantala rin niya itong nilisan

Ibinahagi ni Cristy Fermin ang umano'y napapansin ng netizens sa TV host/actress na si Maja Salvador.

Nalaman ng KAMI na ito umano ay may kaugnayan sa sinasabing pansamantala nitong paglisan sa Eat Bulaga.

Ayon kay Cristy sa programa niyang Showbiz Now Na! inilarawan umano si Maja bilang unang tumatalon kapag lumulubog ang bangka.

Read also

Carmina Villaroel, nagbahagi ng nakakaintrigang quote: "Don't trust everything you see"

"Lumalabas na kapag lumulubog ang bangka, unang tumatalon si Maja. Hindi kasi magandang pakinggan na kung kailang palubog ang bangka, saka ka tatalon. Dapat kasi lahat kayo ay magkakasama," ani Cristy.

Matatandaang kamakailan lang ay naglabas opisyal na pahayag ang Crown management ni Maja patungkol sa pagpansamantala niyang pagkawala sa Eat Bulaga.

Subalit hindi raw ito ang unang pagkaktaon na nagawa ito ni Maja. Matatandaang nang hindi na bigyan ng prangkisa ang ABS-CBN, agad na napanood si Maja sa Eat Bulaga.

"Pero, unawain po natin ang kanyang dahilan. meron po sigurong mas mabigat pang dahilan kung bakit pansamantala siyang namaalam," giit pa ni Cristy.

Narito ang kabuuan ng komento ni Crjsty Fermin mula sa YouTube channel niyang Showbiz Now Na!:

Si Maja Ross Andres Salvador na mas kilala bilang si Maja Salvador ay isang aktres, dancer, television host, producer at talent manager sa Pilipinas. Bukod sa mga pelikula at kabi-kabilang teleserye na napapanood noon sa ABS-CBN, naging bahagi rin si Maja ng Eat Bulaga. Subalit, kamakailan lang, kinailangan niyang mamaalam sa programa pansamantala at isa umano sa sinasabing dahilan ay ang preparasyon niya sa kanyang kasal.

Read also

Ogie D, may paalala kay Boobay; "Siyempre ang mga producers, baka matakot din sila"

Samantala, si Cristy Fermin ay isa sa kilalang batikang Showbiz reporter at writer sa bansa. Hanggang ngayon, patuloy ang paghahatid niya ng latest showbiz chika sa kanyang mga YouTube channel na Cristy Ferminute at Showbiz Now Na!

Source: KAMI.com.gh