Vice Ganda, pumirma ng kontrata sa ABS-CBN: "Ito ang pinakaligtas na lugar para sa akin"

- Pumirma si Vice Ganda ng kontrata sa ABS-CBN at nananatiling isa Kapamilya

- Pinatunayan niya ang kanyang katapatan sa ABS-CBN na tinawag niyang kanyang tahanan

- Nitong February 15 ay pormal na pumirmang muli ng kontrata si Vice

- Bukod sa contract signing, nagpasalamat si Vice sa tagumpay ng MMFF entry nila na Partners in Crime

Si Vice Ganda ay nananatiling Kapamilya matapos niyang pormal na pumirma ng kontrata sa ABS-CBN. Nitong February 15, 2023 ay ginanap ang "The Unkabogable Day" na bukod sa pagpirma niya ng kontrata ay nagsilbing pasasalamat ni Vice sa tagumpay ng MMFF entry nila na Partners in Crime.

Inihayag niya ang kanyang pagmamahal at katapatan sa estasyon kung saan siya sumikat nang husto. Aniya, 'bahay' niya na ang ABS-CBN.

Read also

Vice Ganda, nabanggit ang tungkol sa pagbanggit ng "stomach" sa Pinoy Henyo

“Nakapirma na talaga 'yung puso ko rito. 'Yung paa ko, nakabaon na dito sa bahay na ‘to.

Ito umano ang pinaka-ligtas na lugar para sa kanya.

Ayoko nang lumabas… I’d rather be here inside my home. Ito ang pinakaligtas na lugar para sa akin,”

Si Vice Ganda ay isa sa pinakasikat na komedyante at TV host sa kasalukuyan. Nakilala siya sa kanyang husay sa pagpapatawa at mga pelikulang kadalasan ay tumatabo sa takilya. Kabilang din siya sa noontime show na It's Showtime na 13 taon nang napapanood sa ABS-CBN. Bukod sa kanyang pag-aartista, siya rin ay nagmamay-ari ng beauty products na Vice Cosmetics.

Kinaaliwan ang video ni Vice Ganda na kanyang binahagi sa kanyang YouTube channel. Makikita sa kanyang bagong video ang nakakaaliw na reaksiyon ng kanyang mga co-host. Hinamon niya ang mga ito sa challenge niya gamit ang laruang bad dog na aniya ay natanggap niya bilang regalo. May alok din siyang premyo sa makakagawa ng kanyang challenge sa loob lamang ng takdang oras na binigay niya.

Read also

Miles Ocampo, naikwentong 'batang Quiapo' ang pinakaunang role niya noong 2004

Naghayag naman si Vice Ganda ng kanyang pagka-miss kay Ion na sa kasalukuyan ay hindi niya kasama sa kanyang bakasyon. Base sa kanilang mga social media post, kasalukuyang nasa Japan si Ion samantalang kasama naman ni Vice ang ilang kaibigan at pamilya niya. Sa kabila ng pang-iintriga sa kanilang relasyon, nagbahagi ng mensahe si Vice kay Ion na na-mi-miss na niya umano ito. Nauna na ring umalma si Ion at nagsalita laban sa taong aniya ay wala nang boses pero wala pa ring magandang salitang lumalabas sa bibig.

Source: KAMI.com.gh