Video ni Alyssa Valdez na nakipag-picture sa batang fan, muling nag-viral

- Muling nag-viral ang video ni Alyssa Valdez na tinawag ang batang fan para makipag-picture sa kanya

- Makikita sa video na tinawag pa siya ng kanyang batang fan ng "Valdez"

- Agad naman niya itong pinansin sabay senyas na lumapit ito sa kanya

- Kitang-kita ang saya ng bata sa pagpansin sa kanya ng kanyang idolo at si Alyssa pa mismo ang naghawak ng camera phone para kuhanan sila ng larawan

Agaw-eksena muli sa social media ang cute na video kung saan makikita kung gaano umano kabuti si Alyssa Valdez sa kanyang fans.

Nalaman ng KAMI na sa naturang TikTok video, isang batang lalake ang sumigaw kay Alyssa ng "Valdez" gayung may kalayuan na ito sa kanya.

Si Alyssa, agad namang nilingon ang bata at sinenyasan pa na lumapit sa kanya.

Read also

Andrew Schimmer, tila nagpahiwatig umano ng kasal sa misis; "very very soon"

Kitang-kita ang saya ng bata na sinamahan na ng kanyang ina para makakuha ng picture kasama ang kanyang idolo.

Nang makalapit, si Alyssa pa talaga ang humawak ng camera phone upang mas maayos silang makakuha ng larawan kasama ang kanyang batang fan.

Dahil dito, umani ng papuri si Alyssa na dapat umanong tularan ng ibang mga manlalaro sa anumang larangan ng sports.

Narito ang ilan sa kanilang mga komento:

"Kaya marami ang idol siya, mabait daw talaga yan sa personal"

"Sa PBB mas lalo ko siya nakilala, mabuting asal. Swerte ng parents na maayos siya talagang napalaki"

"Sana paglaki ng anak ko, kasing bait ni Alyssa. Very humble saka walang ka-issue issue sa sarili. Ang positive ng aura niya"

"Ito ang dapat tularan ng mga atleta natin. 'Di man sila artista pero iniidolo pa rin sila kaya dapat maging mabuti sa lahat ng oras"

Read also

Billy Crawford, nakausap na ang kanyang 'Kuys' Vhong Navarro

Matatandaang naging kontrobersyal kamakailan ang isa ring volleyball star na si Deanna Wong at ang ilang mga miyembro ng team na 'Choco Mucho.'

Ito ay dahil sa mga viral videos na nagpapakita ng 'di nila umano pagpansin sa kanilang mga fans naghihintay ng kahit na pagkaway manlang nila.

Bukod sa pagiging isang Volleyball Star, kilala rin si Alyssa Valdez sa pagiging Top 2 ng Pinoy Big Brother Kumunity Celebrity Edition Season 10. Kasama na nagwagi ni Alyssa si Anji Salvacion.

Nakasama naman niya sa final 5 sina Brenda Mage, Madam Inutz at Samantha Bernardo.

Source: KAMI.com.gh