Korina Sanchez at Karen Davila, pinabulaanang magkagalit sila

- Nilinaw nina Korina Sanchez at Karen Davila ang tungkol sa isyu na magkagalit umano sila

- Sa panayam ni Korina kay Karen sa kanyang programang “Korina Interviews” sa Net 25, napag-usapan ng dalawa ang sa tingin nila ay dahilan kung bakit naiisip ng mga tao na hindi sila magkaayos

- Ani Karen, sa tingin niya ay nag-ugat iyon sa mga tao na lagi silang pinagkukumpara sa isa't-isa

- Para naman kay Korina, hindi sila nabigyan ng pagkakataon na magkakilala nang maigi dahil hindi magkatugma ang kanilang schedule

Nakapanayam ni Korina Sanchez si Karen Davila sa kauna-unahang pagkakataon. Sa panayam ni Korina kay Karen sa kanyang programang “Korina Interviews” sa Net 25, napag-usapan ng dalawa ang sa tingin nila ay dahilan kung bakit naiisip ng mga tao na hindi sila magkaayos.

Read also

Karen Davila, makulit na inaming nakakatakot noon si Korina Sanchez; "'Wag i-deny"

Para kay Karen, sa tingin niya ay dahil pinagkukumpara sila ng mga tao. Sinang-ayunan naman ito ni Korina.

Para umano kay Karen ay nakakapanghinayang na hindi sila nabigyan ng pagkakataon na mas makilala pa ang isa't-isa noon.

“I mean this from the bottom of my heart, ako sa pananaw ko, isa sa mga nasayang na panahon ko sa ABS-CBN is yung hindi kita nakilala doon. Of course, you were very busy. But I feel it was a lost opportunity for me, for both of us.”

Hindi umano nagtugma ang kanilang schedule kaya naman hindi sila nabigyan ng pagkakataon na mas maging malapit sa isa't-isa.

Si Korina Sanchez ay isang award-winning Filipina broadcast journalist, newspaper columnist, radio anchor, senior field correspondent, TV news anchor, at magazine show host. Kinaaliwan ng mga netizens ang mga ibinabahagi ni Korina Sanchez na mga litrato at video ng kanyang kambal na anak na sina Pepe at Pilar. Kamakailan lang ay nagdiwang ang mga ito ng kanilang ikalawang taong kaarawan.

Read also

Ninong Ry, aminadong emosyonal sa pagluluto para sa 300 katao sa preso

Ibinahagi ni Korina ang kanyang pasasalamat sa Panginoon na hindi siya tinatamaan ng COVID sa kabila ng pagtaas ng kaso ng nagkakaroon nito. Patanong naman ang kanyang pahayag na pinagpala siya dahil sa dami ng kanyang tinutulungan. Dahil dito ay umani ng mga reaksiyon ang kanyang caption na kinalaunan ay pinalitan niya rin dahil aniya sa kanyang "miscalculated words" sa kanyang caption. Matatandaang nitong mga nakaraang araw ay maraming kilalang mga personalidad ang tinamaan ng COVID kabilang na ang mga kagaya niyang journalists.

Marami ang naaliw sa video na ibinahagi ni Korina Sanchez sa kanyang Instagram account. Ibinida niya ang kanyang kambal na sina Pepe at Pilar na nakikipag-usap sa kanya gamit ang salitang Ilonggo. Maging si Korina ay nagtanong pa sa kasama nila sa bahay kung ano ang ibig sabihin ng sinabi ng kanyang mga anak. Ang mga magulang ni Mar Roxas ay parehas na Ilonggo na nagmula sa Negros Occidental at sa Roxas, Capiz.

Source: KAMI.com.gh