Anak nina Rochelle Pangilinan at Arthur Solinap, kinaaliwan sa pagsayaw nito ng Spaghetti Song

- Ibinahagi ni Rochelle Pangilinan ang video ng kanyang anak na si Shiloh na sumasayaw sa kanilang pagdiriwang ng bagong taon

- Sinayaw nito ang sikat na sikat na Spaghetti Song na kinanta ng grupong Sexbomb na kinabilangan ni Rochelle

- Maririnig din ang tawa ni Rochelle habang bibong-bibong nagsasayaw ang anak nila ni Arthur Solinap

- Bukod sa pagsasayaw ay kumanta din ito ng isang Christmas song

Ibinida ni Rochelle Pangilinan ang bibong anak niya na nagsayaw ng Spaghetti Song na kinanta ng grupong Sexbomb na kinabilangan niya. Bukod sa talento sa pagsayaw ay kumanta din si Shiloh.

Sa kanyang ibinahaging video, makikita ang anak nilang si na sumasayaw sa harap ng iba pa nilang kaanak. Maririnig din ang tawa ni Rochelle habang bibong-bibong nagsasayaw ang anak nila ni Arthur Solinap.

Read also

Mga anak ni Andrew Schimmer, dinalaw ang kanilang mommy ngayong bagong taon

Marami ang naaliw sa pagiging cute at bibo ng anak ng mag-asawa na naging kid ambassador na rin ng isang clothing brand sa murang edad nito. narito ang ilan sa komento ng mga netizens:

Happy New year to all.. cutie baby Shiloh i love watching all you videos baby girl

Pinalaki ng sexbomb mommy yan lodi talaga. Happy New year po!

Mukhang may tatalo na sa dance moves mo mars haha super cute Shiloh!! Happy new year to the entire family!

Si Rochelle Pangilinan ay isang dancer, actress at recording artist. Isa siya sa founding members ng sikat na dance group na SexBomb Girls. Nakilala siya sa kanyang husay sa pagsayaw at maging sa pag-rap. Ikinasal siya sa dating dancer din na si Arthur Solinap at nabiyayaan sila ng isang anak na babae.

Read also

Jorhomy “Jho” Rovero, naihatid na sa kanyang huling hantungan

Ibinahagi ni Rochelle Pangilinan ang video ng kanyang anak na si Shiloh Solinap na sumasayaw. Nagbahagi ito kung gaano siya natuwa sa kanyang anak at aminado siyang isa siyang stage mother. Marami ang natuwa sa sariling dance steps ng anak ni Rochelle na nagdiwang kamakailan ng kanyang ikalawang kaarawan. Hindi naman ito nakakapagtaka dahil parehas mahusay sumayaw ang kanyang mga magulang.

Kamakailan ay binahagi ni Rochelle ang video ng kanyang pagbisita sa ABS-CBN building para sa grand media conference ng pelikulang “Labyu with an Accent." Binahagi niya sa kanyang Instagram reel ang ilang kaganapan sa mediacon kasama ang kanyang mga co-stars na sina Coco Martin, Jodi Sta. Maria at Joross Gamboa. Pinasalamatan ni Rochelle ang GMA dahil pinayagan sila nito na maging bahagi ng naturang pelikula.

Source: KAMI.com.gh