Diwata, abot-abot ang pasasalamat matapos makatanggap ng bagong sasakyan

- Binahagi ni Diwata ang video kung saan pinakita niya ang isang sasakyan na binigay sa kanya para magamit niya sa kanyang negosyo

- Sa post na binahagi ng GWM Philippines Facebook page, makikita si Diwata na nakangiting pinapakita ang susi ng bagong sasakyan

- Dahil hindi siya sanay sa automatic na sasakyan, aaralin daw muna niya ito dahil sanay daw siya sa manual dahil iyon ang kanyang minamaneho

- Nagpasalamat si Diwata sa regalong ito na binigay sa kanya na magagamit niya sa kanyang hanap-buhay

Nagpasalamat si Diwata sa social media matapos niyang makatanggap ng isang espesyal na regalo - isang sasakyang magagamit niya sa kanyang negosyo.

Sa isang video na ibinahagi ni Diwata, ipinakita niya ang bagong sasakyan na ibinigay sa kanya. Makikita sa post na ito ng GWM Philippines Facebook page ang masayang mukha ni Diwata habang hawak ang susi ng kanyang bagong biyaya.

Read also

Mura, emosyonal na humiling ng tulong matapos masunugan ng bahay

Dahil hindi raw siya sanay sa automatic na sasakyan, plano niyang pag-aralan ito. Ayon sa kanya, mas sanay siya sa manual transmission dahil ito ang kanyang karaniwang minamaneho.

Nagpapasalamat si Diwata sa pagkakataong ito na ibinigay sa kanya. Hindi lamang ito simpleng sasakyan, kundi isang kasangkapan na magpapaluwag sa kanyang hanap-buhay.

Si Deo Jarito Balbuena na kilala sa online world bilang si Diwata at ang may-ari ng trending at pinipilahang Diwata Pares. Bukod sa abot kaya ang kanyang paninda ay sulit din ito at nakakabusog ayon sa kanyang mga customer.

Matatandaang nagbahagi ng mensahe si Diwata para sa mga bashers niya na nagsasabi ng masasamang bagay tungkol sa kanya at sa kanyang negosyo. Aniya, hindi madumi ang pagkain niya at ang madumi ay ang ugali ng mga bashers niya. Tinuligsa niya ang kanilang mga saloobin at hinimok silang linilisin ang ugali ng mga ito. Binigyang-diin ni Diwata na ang kanyang layunin ay simpleng makabangon sa kahirapan.

Read also

Diwata, naikwentong tauhan na niya ngayon ang umano'y nanaksak sa kanya noon

Binahagi ni Alex Gonzaga ang pagpunta nila ni Mikee Morada sa sikat at pinipilahang Diwata Pares. Naroroon din ang may-ari nito na si Diwata at nakita ito sa video na binahagi ni Alex na tila galit. Dahil hindi pa buo at pasilip lamang ang binahagi ni Alex, may mga nakapag-isip na malamang ay na-prank ni Alex si Diwata kaya tila nakasimangot ito. Sa iba pang video na naibahagi online, nanlibre si Alex sa mga taong naroroon at nagbigay siya ng 50,000 pesos para ipangbayad sa pagkain ng mga naroroon at pumipila.

Source: KAMI.com.gh