Xian Gaza Kay Zeinab Harake: "Sabi mo hindi ka makakapunta kasi busy ka, kaya pala"

- Muling nagbahagi ng larawan si Xian Gaza ng kanyang kaibigang si Zeinab Harake at umano'y manliligaw nito

- Makikitang nasa pareho silang lugar subalit ang caption, hindi raw makararating si Zeinab

- Una nang ipinagtanggol ni Xian si Zeinab sa mga bashers nito nang mapabalita ang tungkol sa bagong manliligaw nito

- Gayunpaman, hiling ni Xian na irespeto ang pribadong buhay ng dalawa lalo na nang lalaki na isang professional basketball player

Muling nag-share ng pictures si Xian Gaza ng kanyang kaibigang si Zeinab Harake.

Sa naturang larawan, makikita si Zeinab kasama ang sinasabing manliligaw nito na si Bobby Ray Parks Jr. na isa umanong Filipino- American Basketball player.

Mapapansing nasa iisang lugar lamang sina Xian at si Zeinab kasama si Bobby Ray.

Read also

Xian Gaza, ipinagtanggol si Zeinab: "Respetuhin po natin ang kanilang private life"

Subalit sa caption ni Xian, "Sabi ko picture tayo 5:30pm, sabi mo hindi ka makakapunta kasi busy ka. Kaya pala hehe okay lang ako I'm fine."

Isang araw bago ang naturang post, una nang naglabas ng saloobin si Xian bilang pagtatanggol sa kanyang kaibigan.

Mula kasi nang mapabalitang may bago na umanong idini-date si Zeinab, kabi-kabilang mga espekulasyon na ang lumabas tungkol dito at ang ilan ay 'di magagandang salita tungkol sa YouTube Star.

"Nanliligaw po sa kanya ang professional basketball player na si Bobby Ray Parks Jr. na single at walang asawa," ani Xian sa post na kasama ng mas maraming larawan nina Zienab at Bobby na magkasama umano sa Japan trip nila noong Abril.

Nakiusap pa si Xian na irespeto ang pribadong buhay ng dalawa.

"Nawa'y respetuhin po natin ang kanilang private life, kahit huwag na si Zeinab, kahit si ginoong Parks na lang na walang alam sa maingay na mundo ng social media Maraming salamat po," ani Xian.

Read also

Vic Sotto, sinegundahan ang nasabi ni Tito Sotto: "Lahat ng katotohanan nailahad na niya"

Samantala, narito ang kabuuan ng kanyang bagong post:

Si Xian Gaza o Christian Albert Gaza ay unang nakilala sa social media matapos ang kanyang kontrobersiyal na billboard proposal sa aktres na si Erich Gonzales para mag-coffee. Nakilala din siya sa bansag na "pambansang scammer" matapos siyang akusahan ng pang-iiscam. Gayunpaman, kapansin-pansing nakabangon na si Xian sa hindi magagandang sinapit na ito sa kanyang buhay. Katunayan, inspirasyon na ang hatid niya sa tagumpay na tinatamasa ngayon.

Dahil sa kanyang mabilisang pagbabahagi ng mga chika mula umano sa kanyang mga source, nabansagan siyang 'Pambansang Marites ng Pilipinas. Katunayan, nilagay na rin niya ito mismo sa kanyang bagong post tungkol kay Zeinab.

Source: KAMI.com.gh