Buntis, sinaksak ng 14 na beses ng pizza delivery driver dahil sa $2 tip

• Isang buntis na babae ang sinaksak ng 14 na beses ng pizza delivery driver matapos magbigay ng maliit na tip
• Inakusahan si Brianna Alvelo ng home invasion, attempted murder, at kidnapping matapos ang brutal na pag-atake kay Melinda Irizarry
• Sinubukan ni Irizarry na tumawag ng pulis ngunit sinira ni Alvelo ang kanyang telepono at kinuha ang ilang mga gamit sa motel
• Nahuli si Alvelo sa surveillance camera at naharap sa mga kasong may kaugnayan sa krimen na naganap sa motel sa Florida

Isang buntis na babae sa Osceola County, Florida, ang halos mapatay matapos saksakin ng 14 na beses ng isang pizza delivery driver na galit sa natanggap nitong $2 tip. Si Melinda Irizarry, kasama ang kanyang kasintahan at limang taong gulang na anak, ay nagdiwang ng kaarawan sa isang motel room noong gabing naganap ang insidente.

Ayon kay Irizarry, inabot niya ang $50 sa delivery driver na si Brianna Alvelo para sa pizza na nagkakahalaga ng $33.10. Nang sabihin ni Alvelo na wala siyang panukli, naghanap si Irizarry ng mas maliit na halaga sa kanyang sasakyan. Sa huli, tumanggap si Alvelo ng $2 tip at umalis nang halatang iritado.

Read also

Pau Fajardo, engaged na kay PJ Reblora: "Best day of 2024"

Makalipas ang ilang sandali, nakarinig ang pamilya ng malakas na katok sa pintuan. Nang buksan ni Irizarry ang pinto, nakita niya ang isang lalaking naka-maskara at si Alvelo na armado at sapilitang pumasok sa kwarto.

"When I opened the door and saw them there, I thought, ‘Oh God, these people came in here to hurt us,'" ani Irizarry mula sa kanyang hospital bed. "It was really traumatic… My daughter seeing that and being there for the whole thing is so heartbreaking for me."

Habang nasa kwarto, itinutok ni Alvelo ang baril sa anak ni Irizarry. Tinakpan ni Irizarry ang kanyang anak gamit ang sariling katawan, dahilan upang siya ay saksakin ng 14 na beses. "She wasn’t even upset, she was in like, a frenzy mode," pahayag ni Irizarry, at idinagdag na hindi lang sa maliit na tip ang dahilan ng galit ni Alvelo.

Pinilit ng mga salarin ang kasintahan ni Irizarry na magtago sa banyo, sinira ang Nintendo Switch ng kanyang anak, at nagnakaw ng ilang gamit. Sinubukan ni Irizarry na tumawag ng pulis ngunit sinira ni Alvelo ang kanyang telepono.

Read also

Carlo Aquino sa misis na si Charlie: "Minahal niya ko, despite of everything na pinagdaanan ko"

Nadala sa ospital si Irizarry matapos magtamo ng malubhang mga sugat sa dibdib, binti, at tiyan, kabilang ang ruptured lung na kailangang operahan.

Nadakip si Alvelo kinabukasan matapos makita ng pulisya sa surveillance footage ang sasakyang ginamit sa krimen na tugma sa ginamit niya sa pagde-deliver ng pizza. Kinilala rin siya ng kanyang manager mula sa video.

Nahaharap si Alvelo sa mga kasong home invasion with a firearm, attempted murder, kidnapping, at aggravated assault. Tumanggi ang mga awtoridad na magbigay ng piyansa para sa kanyang paglaya.

Samantala, pinagbabaril ng hindi pa nakikilalang suspek ang isang buntis na babae na si Jacquelyn Petiza sa Cotabato Cit.Naganap ang insidente bandang 11:00 AM sa San Isidro St., Rosary Heights 10, habang naglalakad ang biktima.

Isang malagim na insidente naman ang naganap sa Barangay VF Gustilo, Purok Zone 4, kung saan isang 8-buwang sanggol sa sinapupunan ang binawian ng buhay matapos aksidenteng mabaril ng ama nito ayon sa ulat ng ilipino Star Ngayon.

Source: KAMI.com.gh